Yaburi 33:11 - ALLALA KUMƐ

¹¹ Kɔnɔ Marita miriya-nyimɛnu si to nyɔ habadan! Mari kɔntɔ-koenu ti yɛlɛma mumɛ!

Yaburi 33:11 ပူးပေါင်းရင်းမြစ်များ

2 Mansɛnu 19:25

“A ko Mansa Sɛnakaribu ma a lamɔɛn ko Marita miriya le kɛ la, ado a ye wo dafa tinɛ le, wa? Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yaburi 92:5

Ila ko-ladan-bolenu makawara. I miriya-kɔrɔ ti yen muk!

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Makawandili Kumɛnu 3:14

Alla ara min nadan, wo si to burubukai! N bara wo yen. Fen ti bɔ a la, fen ti sa a kuma. Ni i ya a yen, Alla ye kɛ mala, a ya wo ma alako mɔgɛ ni kilan a la ka a gbiliya.

Aiseya 14:24

Mari Sɛnbɛ-Bɛɛ-Tigi ara a keli ko a ara ban min miriya la fɔ wo wa ma le serr!

Aiseya 14:27

Ale Mari Sɛnbɛ-Bɛɛ-Tigi ara ban kɛ latɛgɛla. A ara a kɔɛn kɔrɔbi duninya mumɛ tɔrɔ-koe la, ado mɔgɔ-wo-mɔgɔ ti ke a lakalala wo ma.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Maika 4:12

Kɔnɔ mɔgɛ kɛnu ma a lɔn Mari ara min tabɛn anu kan ma. Anu ma a lɔn ko Mari ara anu nadɛn anu gbesi koe la iko sɛni-salɛ wa fui-fan ladɛn gbere ma a gbesi-koe la.

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.