Yaburi 31:7 - ALLALA KUMƐ

⁷ N si nyagalen bɛrɛkɛ ka a tɛgɛ ila keninteya-dannatɛgɛbɛlɛla ko la. I ya nna tɔrɔyɛ bɛɛ yen. I ya nna nyagbɛ bɛɛ lɔn.

Yaburi 31:7 ပူးပေါင်းရင်းမြစ်များ

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yobu 10:9

I miri de! I ya bɔnkɛ le bi ka nde dan. I ye nala n nunkula le tun iko gbangban?

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 10:14

Kɔnɔ Alla, i ye yakɔrɔ-mamɔɛ anubɛ tɔrɔyɛ rayenna i kolan le la. I ye mɔgɛnu dɛnbɛna wati bɛɛ. Min ti ke a nyɛrɛ kumafunfanna, wo si a nyɛrɛ latenbi ile Mari ma. I ye bolo-kolɔnnu dɛnbɛna wati bɛɛ rɔ.

Yaburi 119:153

N tɔrɔ-bole kɛ mafɛlɛn. I yandi, n nakanan bawo n ma nyina ita tɔnnu ko.

Yaburi 13:5

N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

Yaburi 142:3

Tɔrɛ wa n tabɔ tumɛ min, ale Mari si a lɔn n si min ma. N yogenu bara gbɛrɛ ladu n gbere la.

Yaburi 25:18

A ni a fonde lamiri nta yakɔrɔ-mamɔɛ ma ka n makoto n hakɛ bɛɛ la.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Yaburi 9:13

Mari, kinikini n ma. I kolan lana ka a yen, n yogenu bi n tɔrɔla nya min. E, Mari, n nakanan saya-kilɛ ma

Yaburi 90:14

Ila hinɛ yira ma la subaga ma. Wo si a ma, ma siyi-tele-bɛɛ kɔrɔ, ma si sigi sa sewɛ rɔ.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Nimisa Koe 3:50

ha Mari ni a kolan layigi n ma ka bɔ san ma n dɛnbɛn-tinɛ.

Nimisa Koe 5:1

E, Mari, i miri ma ara tɔrɔ nya min nun, i kolan layigi ma yarabi-nya ma ma yogenu bolo.

1 Kɔrɛnti 8:3

Kɔnɔ Alla keninɛ minnu bolo, a ya wonu lɔn.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”