Yaburi 31:3 - ALLALA KUMƐ

³ Nna kisi tinɛ le ile la min kɛ, i ni kilɛ yira n na iko i wara n yili-madiya nya min.

Yaburi 31:3 ပူးပေါင်းရင်းမြစ်များ

Nihɛmaya 9:12

I sɔra anu yarɔ tele rɔ iko banda-fin-gbɛ. I sɔra anu yarɔ suyi fanan tɔ iko ta-mɛlan ka waan raka anu yarɔ kilɛ ma.

Nihɛmaya 9:19

Kɔnɔ hali wo, i ma anu boloka wula-da-rakolɔn rɔ bawo ila kinikinɛ da rakolo. Ta-mɛlan wo, banda-fin-gbɛ wo, i ma wonu bi anu bolo. I tora kilɛ yirala anu na su-ni-tele.

Yaburi 102:3

N niyi bɔmatoe le iko ta-sisi. N fɛrɛ ye mintanna iko tɛ le siginɛ a la.

Yaburi 116:2

A ya a wɔlɔ matɔlɔ n na min kɛ, n si to a rakelela n siyi-tele-bɛɛ rɔ.

Yaburi 139:24

N gbɛngbɛn, i ni a lɔn ni karagbɛlɛyɛ ye n tɔ. Kila-bɛrɛbɛrɛ yira n na min bi tala Arinyɛni tɔ!

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Yaburi 25:5

N karan alako n ni i sako lɔn ka a bira bawo ile le nta Alla la min si n kisi. N lanɛ i la tumɛ bɛɛ.

Yaburi 25:9

Mari ye kila-nyimɛ yirala mɔgɔ-famayiginɛnu na. A si anu karan alako anu ni a sako lɔn.

Yaburi 43:3

I ni ila waan anubɛ ila tonyɛ di n ma. Wonu ni sɔ n yarɔ ha n ni ke ila kɔnkɔ-sɛnimɛ ma i mayiginɛ kan min.

Yaburi 71:3

I ni ma nta lakisi-bɔn la min si n tanka n yogenu masibɛ ma. Nta bon-gbɛlɛmɛ anubɛ nna kɛlɛ-kɛlɛ le ile la. N si n buri tala ile wara tuma-wo-tuma.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Yasowa 7:9

Ni Kenan mɔgɛ kɛnu ya koe kɛ lamɔɛn tumɛ min, anu si na ka ma bira ka ma ban feu! Wo ti ma i tɔgɔ-tinya-koe la, wa?”