Yaburi 31:19 - ALLALA KUMƐ

¹⁹ Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Yaburi 31:19 ပူးပေါင်းရင်းမြစ်များ

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 16:11

I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 23:5

Ale le ye n nadiyala n yoge bɛɛ ya la. A ye n mala sundan-gbiliyanɛ la ka to n nafala tolon!

Yaburi 68:28

E, Alla, i sɛnbɛ yira ma la. I ya ma kunka sɛnbɛ min na, wo yira ma la.

Yaburi 73:1

Alla nyimayanɛ Isirɛla mɔgɛnu ye, katarala yisi-sɛninyani-tiginu ma.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Yɔni 3:21

Kɔnɔ minnu bi ko-latelennɛnu kɛla, wonu si na ke waan ma alako waan ni a mayira ko anu bi Alla sako kɛla.

Kɛwɔlɛnu 15:12

Nba, nyama bɛɛ ya anu tole masɔ kumɛ wo la a kin na! Alla ya kabana-koenu anubɛ tamasere min bɛɛ kɛ sibolo-gbɛrɛnu ye anuna wɔli fɛ, Banabasi anubɛ Pɔli ya wo bɛɛ rakaran anu ye.

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

2 Kɔrɛnti 5:5

Alla ara ma rabɛn mayɛlɛma-koe kɛ la. A ara ala Ni-Sɛnimɛ di ma ma alako ma ni a lɔn bɛrɛbɛrɛ-wɛ-kɛ ko a ara fan kɛnu bɛɛ rabɛn malela ko la.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.