Yaburi 31:18 - ALLALA KUMƐ

¹⁸ Alamɛ tɔn sigira foninya-fɔlɛnuna kumɛ la. Nyɛrɛmankolɛ le anu na, ado anu wasira. Anu bi mɔgɔ-telennɛnu tasɛla.

Yaburi 31:18 ပူးပေါင်းရင်းမြစ်များ

2 Ko-Kɔrɔta-Karan 32:16

Wo kɔma, Asiriyanuna mɔgɔ-banu tora kuma-yogomɛnu fɔla Mari Alla anubɛ Mansa Hɛsakaya ma, ado wonu yogo a fɔlɔtɛ kɛnu ko.

Yaburi 12:3

Mari, a ma, anu ni anu tade don! Anu bi anu nyɛrɛ matɔgɔla anu dɛ min na ka a fɔ ko, “Ma ara fan min bɛɛ sɔrɔn, ma ara wonu sɔrɔn ma darɔ-kan le la. Min bi ma kunyɛ anubɛ ma kannu tɛma, ma si wo fɔ. Mɔgɔ-wo-mɔgɔ sa nyɔ min si tɔn sigi ma ma.” Mari, anu dɛ wonu natogon.

Yaburi 120:2

Mari, n nakisi yanfantenu anubɛ foninya-fɔlɛnu masibɛ ma.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 59:12

Anu bi kumɛ min nabɔla anu da rɔ, wo ye a yirala ko hakɛ-tigi le anu na. Alamɛ anuna wasinteyɛ mara anu bira-fan la. I ni anu kasara wola ko la bawo anu bi dankali-kɛla ka foninyɛ fɔ. I ni anu nato dogbe ita fondo-labɔɛ rɔ! Wo si a ma, bɛɛ ni a lɔn ko ile letan Isirɛla mɔgɛnu na, ado ila mansayɛ ye duninya mumɛ bɛɛ kun na.

Yaburi 63:11

Wo kɔma, mansɛ si nyagalen bawo Alla ara nɔlɛ di a ma. Minnu telennɛ Alla ye, wonu si a tanto kɔnɔ foninya-fɔlɛnu si a sigi-a-la don!

Yaburi 94:4

Ko-yogoma-kɛlɛnu si to anu wasila a la ha wati nyamintan? Anu bi anu wasila anuna ko-yogomɛnu na tolon!

Hɛnkilimaya-Kumɛnu 12:19

Siyi ye tonyɛ la burubukai kɔnɔ siyi sa foninyɛ la feu!

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Kɛwɔlɛnu 25:7

Pɔli kera nyɔ tumɛ min, Yahudiya minnu bɔra Yerusalɛm, wonu ya a lafoo ka ko-yogoma-wɛ siyaman sa a kuma kɔnɔ anu ya a maburi koe min bɛɛ la, anu ma ke wonu fenfen yirala kiti tɛgɛ tinɛ.

Yude 1:15

ka mɔgɛ bɛɛ kiti. A si Alla-lɔnbɛlɛ bɛɛ yiliki anuna kɛwɔlɛ-yogomɛla ko la. Alla-lɔnbɛlɛ wonu ya gbalo-kumɛ min fɔ Alla ma, anu si yiliki sɔrɔn wola ko la.”

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.