Yaburi 31:11 - ALLALA KUMƐ

¹¹ Hali n sigi-nyɔgɛnu anubɛ n yogenu, n sɔgɔ la ara bɔ wonu na lass! Minnu ya n lɔn kɔrɔma la, wonu kilannɛ n na. Anu ba n yen soe tɛma, anu si anu buri n kɔrɔ.

Yaburi 31:11 ပူးပေါင်းရင်းမြစ်များ

Yaburi 22:6

N sa hadama-denya la tun. N mani de gbɛ iko tunbi bawo mɔgɛnu bi nyimala n tɔ.

Yaburi 38:11

N diyana-mɔgɔ-bɛrɛnu anubɛ n sigi-nyɔgɛnu sa anu gbɛrɛnna n ma ka a tɛgɛ nna tɛlɛnuna ko ma. Hali n na-kelen-nyɔgɔ-bɛrɛnu, anu sa anu gbɛrɛnna n ma.

Yaburi 64:8

A si anu kasara ka a tɛgɛ anu darɔ-kan ma. Min ba anu yen, wo si a bole sa a dɛ la.

Yaburi 88:18

I wara a ma, n keninte-bɛrɛbɛrɛnu bara anu masɛgi n na. N kirabɔ-nyɔgɔn sa pinpi kɔma.

Yaburi 88:8

I wara a ma, n diyana-mɔgɛ bɛɛ ara n magboya. I wara a ma, anu bara nyima n tɔ. Anu bara n balan. N ti ke tala kan-bo-kan.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Matiyu 26:56

Kɔnɔ kɛ bɛɛ mara alako nɛbinu ya min sɛbɛ Allata kitabu rɔ, wo ni bɔ-a-la.” Nba, karan-dannu bɛɛ bɔra a fɛ ka anu buri.

Matiyu 26:74

Nba, Pita ya a gboro. A ko, “Ni n sa tonyɛ le fɔla, alamɛ Alla ni n tɔrɔ! N ma kei wo lɔn mumɛ!” Nba, dondɔn kekera.

Maraka 14:50

Wo kɔma, ala karan-dan bɛɛ bɔra a fɛ ka anu buri.

Romu 15:3

ado Kirasiti ma a raya a nyɛrɛ-hɛnɛ-koe la. A sɛbɛnɛ Yaburi kitabu rɔ ko, “Anu bi mɔɛn-kumɛ minnu natala ile Alla ma, wo ye sɛgila nde, ala wɔli-kɛlɛ le ma.”

2 Timoti 4:16

N ya n fɛka fɔlɔtɛ kɛ tumɛ min, mɔgɔ-wo-mɔgɔ ma sɔ n fɛ. Bɛɛ bɔra n fɛ filili! Alamɛ Alla fonde kana bɔ anu kan ma!

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.