Yaburi 30:2 - ALLALA KUMƐ

² Nta Mari Alla, n ya i rakele n dɛnbɛn-koe ma, ado i ya n nakɛndɛya.

Yaburi 30:2 ပူးပေါင်းရင်းမြစ်များ

Ko-Dabirɛnu 20:17

Alla ya a ma, musi minnu bi ale mansɛla bɔn la, wonu mara gbandɛ la ka a tɛgɛ Sira wara-koe ma. Kɔnɔ Iburayima ya Alla madiya mansɛ wo ye tumɛ min, Alla ya anubɛ ala bonna-mɔgɛnu nakɛndɛya. Alla ya a ma, musi wonu kera dannu sɔrɔnna tun.

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

Yaburi 118:18

A ara n tɔrɔ kosɛbɛ kɔnɔ a ma sɔn, n ni faga.

Yaburi 145:1

E, nna mansɛ Alla, n si i makawa-nya lawanka mɔgɛnu ye. N si to i tantola habadan!

Yaburi 147:3

A si yisi-kimɛ di mɔgɔ-yisi-tinyanɛnu ma ka anuna tɛlɛnu makiri.

Yaburi 35:24

E, Mari, bawo ile telennɛ, a fɔ mɔgɛ kɛnu ye ko fɛɛ sa n na. I kana sɔn, anu ni wasi n kuma.

Yaburi 41:12

Bawo n bi ko-latelennɛ kɛla, woletɔ i ye n dɛnbɛna. I si a ma, n ni to i fɛ tɛban!

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Yaburi 6:2

Mari, i yandi, kinikini n ma bawo sɛnbɛ sa n na tun! N nakɛndɛya bawo n kolenu takunnɛ ye n ma.

Yaburi 88:13

E, Mari, n ya i rakele n dɛnbɛn-koe la. Sɔgɔma-wo-sɔgɔma, n si i madiya.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”