Yaburi 3:3 - ALLALA KUMƐ

³ Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 3:3 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 40:13

Tele sawa wa tenbi, mansɛ si ila sɔ tinɛ lasɛgi i ma. I si baan bɔ mansɛ ye tun iko i duruta a mala nya min nun.

2 Mansɛnu 18:30

A ko fanan Hɛsakaya kɛ kana na a ma, wo ni la Mari la. A ko wo kana wo miri ko Mari si wo kisi le, ado wo ni la a la ko mata kɛlɛ-dannu si wola soe kɛ bi wo bolo.

2 Mansɛnu 18:32

ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ min tɔ wo la, wo si nɔnbɔ-gbɔ-yi sɔrɔn nyɔ, wo si nyɔɛ sɔrɔn nyɔ ka wo ma biredi la. Wo si liyi anubɛ ɔlifi-gbɔɛnu sɔrɔn nyɔ fanan. Ni wo ya mata mansɛ kɛta kumɛ to a gbɛ rɔ, wo ti faga. A ko wo kana a ma, wola mansɛ kɛ ni wo mayuwaya ka wo miri ko Mari si wo kisi le iko wola mansɛ ya a fɔ nya min.

2 Mansɛnu 25:27

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

Yaburi 110:7

Ale mansɛ si a min kila-dafɛ-yi-nɛ la. Wo kɔma, a si sɛnbɛ sɔrɔn alako a ni sɔ fanka rɔ ka nɔ-ko sɔrɔn.

Yaburi 119:114

Nna kandannɛ anubɛ n kumafunfannɛ le ile la. N yigi sanɛ ita yili-madiyɛ rɔ.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 27:6

N yoge min bɛɛsi ye nna foolɛ rɔ, n si nɔ-ko sɔrɔn wonu ma. N ba sarakɛ bɔ Mari Bato-Bɔn la tumɛ min, n sewanɛ si n kuli mayɛlɛ. N si Mari-tanto-sigi sa.

Yaburi 28:7

N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 4:3

Wo ni a lɔn yati, ko Mari ara male mɔgɔ-telennɛnu yabɔ a nyɛrɛ ye. N ba a rakele tuma-wo-tuma, a si n yabi.

Yaburi 62:7

Nna kisi-koe anubɛ nna gbiliyɛ bɛɛ tonɛ ile le ma. Nna tankala-gbengben le Alla la. Nna ninɛ le ale la.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.