Yaburi 29:2 - ALLALA KUMƐ

² Wo ni a tɔgɔ gbiliya iko a bɛnta, a ni gbiliya nya min. Ale wa na, wo ni wo madu a kɔrɔ ka a bato.

Yaburi 29:2 ပူးပေါင်းရင်းမြစ်များ

2 Ko-Kɔrɔta-Karan 20:21

Anubɛ ala mɔgɛnu ban anu kun nayigila, ale mansɛ ya a fɔ ala fɔli-kɛlɛnu ye ko anu ni anuna fɔli-durukinu bila anu kan na anu si minnu bila anu kan na ladɛn-sɛnimɛnu tɔ fɔli-kɛ-tinɛ. Anu ni anu sɔ mɔgɛnu yarɔ ta tinɛ ka sigi wo sa ko, “Mari tanto. Ala keninteyɛ ti ban.”

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 90:17

Alamɛ ma diyara n tigi, mata Alla ye. Ni ma ya ma bole don ko-wo-ko rɔ, alamɛ wo sabatira.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Yaburi 97:9

Mari Sɛnbɛ-Bɛɛ-Tigi, duninya-mumɛ-bɛɛ-maralɛ le ale la. Mɔgɛnu bi minnu batola, a kolo wo bɛɛ ko.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.