Yaburi 28:8 - ALLALA KUMƐ

⁸ Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 28:8 ပူးပေါင်းရင်းမြစ်များ

Yaburi 140:7

N tigi Mari, n kumafunfanna-wɛ le ile la. I wara n kunyɛ bɔ kɛlɛ rɔ.

Yaburi 2:2

Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

Yaburi 20:6

N bara ban a lɔnna ko Mari si a ma, ata mansa-yabɔnɛ ni nɔ-ko sɔrɔn a yogenu ma. A si a yabi Arinyɛni tɔ. Ata sɛnbɛ-makawanɛ si a ma, mansɛ wo ni nɔ-ko sɔrɔn.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

1 Samuwɛli 16:13

Samuwɛli ya dantɛgɛ-tuli wo bi ka a kɛ Dawuda kunyɛ rɔ a kɔrɔnu yala. Tiriyante wo rɔ, Marita sɛnbɛ yigira Dawuda kuma. A tora Dawuda fɛ wo nya na le burubukai! Wo kɔma, Samuwɛli sɛgira a kɔma Rema soe burɔ.