Yaburi 28:7 - ALLALA KUMƐ

⁷ N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 28:7 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Yaburi 13:5

N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

Yaburi 13:6

Mari, n si sigi sa i ye ka a tɛgɛ ila nyimayɛ ma n bara la.

Yaburi 19:14

Alamɛ n miriyanu anubɛ nna kumɛnu ya i hɛnɛ. Nna kanannɛ anubɛ n kunkalɛ le ile Mari la.

Yaburi 21:1

E, Mari, mata mansɛ ara sewa bawo i wara ila sɛnbɛ di a ma. A ara nyagalen bawo i wara a ma, a ara a yogenu nɔ.

Yaburi 22:4

Ma benbanu bara la i la nun. Anu lanɛ i la min kɛ, wo le ya a ma, i ya anu kisi.

Yaburi 28:8

Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 33:21

Ma sewanɛ ala wɔli-nyimɛla ko la. Ma lanɛ a la bawo a sɛnima.

Yaburi 37:39

Mari si mɔgɔ-telennɛnu nakisi. Anu tenbi kɔndɔfili rɔ, a si anu natanka.

Yaburi 40:3

A ya n karan bɛti-kura-sɛ ma min si mata Alla tanto. Minnu ba kɛ damasi yen, wonu si hɛnkili sɔrɔn ka anu yigi sa Mari rɔ.

Yaburi 43:2

N natankalɛ le ile la. Nfenna i wara n boloka? Nfenna n tɔrɔnɛ ni to n yogenuna karagbɛlɛyɛ la?

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 69:30

N si i tanto-bɛti bɔ. N si ita sɛnbɛ wara-koe fɔ baraka-bɔɛ la n bolo.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.