Yaburi 28:5 - ALLALA KUMƐ

⁵ Anu ma anu miri ile Marita wɔli-nyimɛ ma, ni wo ma, ka anu miri ita ko-ladannɛ ma. Wola ko la, i si anu tɔrɔ ka anu kasara pɔɔ! Anu ti sɔ a kurɛ la tun!

Yaburi 28:5 ပူးပေါင်းရင်းမြစ်များ

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

2 Samuwɛli 7:27

“Isirɛla mɔgɛnuta Mari Alla Sɛnbɛ-Bɛɛ-Tigi, ni i ya a yen nde, ila wɔli-kɛlɛ ye i madiyala kɛ nya na kaka, n yili latɛgɛni de bawo ile le wara a sa gbɛ ma n ye ko mansayɛ ti bɔ nna bɔn la.

1 Mansɛnu 11:38

A ko ni ile ya ata kumɛnu bira a kilɛ fɛ ka ala sereyanu mabalan, a ko a si to i fɛ burubukai! I wara-koe ni diya Mari ye alako a ye min fɔla i ye, i ye wo mala iko Mansa Dawuda ye a mala nya min nun. A ko a si i ma Isirɛla mɔgɛnuna mansɛ la. A ko a ara ban a latɛgɛla ko a si ila mansaya-bɔn sɔ iko a ya a ma Mansa Dawuda ye nya min.

Yaburi 10:5

Karagbɛlɛ ya a bole don ko-wo-ko rɔ, wo ti sɛgi kɔma. A ti Allata kiti-tɛgɛ-bole nya-yen. A si nyima a yogenu tɔ.

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 8:3

N ba san-kolo-ladannɛ mafɛlɛn, i wara karɛ anubɛ lolenu sigi anu gbɛ rɔ nya min,

Aiseya 22:11

Wo ya yi lamara tinɛ ladan soe dugu la alako wo si kantɔ-yi lamara min tɔ. Kɔnɔ wo ma wo tole masɔ Alla la muk! Bi ko ma, Alla ara ban kɛ bɛɛ miriyala nun, woletɔ a ara ma fanan.

Aiseya 40:26

I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Aiseya 5:12

Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Yɔni 12:37

A ara kabana-ko-tamasere kɛ bɛɛ kɛ anu yala kɔnɔ hali wo, anu ma dɛnkɛninya a ma.

Romu 1:20

Allata habadan-sɛnbɛ anubɛ ata Allayɛ, wonu ti yen. Kɔnɔ kebi Alla ya duninya dan tumɛ min, a ara ban wonu bɔla gbɛ ma wo ye feu! Mɔgɛ si wonu yen ata dali-fannu denu fɛ. Woletɔ mɔgɔ-wo-mɔgɔ ti ke a fɔla ko, “Ka a fɔ ko n bi ko-yogomɛ le mala nun, n ma wo lɔn!”

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!