Yaburi 28:4 - ALLALA KUMƐ

⁴ Anu tɔrɔ anuna ko-yogomɛnuna ko la. Anu tɔrɔ anuna kɛwɔli-yogomɛnuna ko la. Anu tɔrɔ iko a bɛnta, anu ni tɔrɔ nya min.

Yaburi 28:4 ပူးပေါင်းရင်းမြစ်များ

2 Samuwɛli 3:39

Hali Alla ara nde yabɔ ka ma wola mansɛ la, n yigi tɛgɛnɛ le kɛ la bi. Sɛruwala den-kei kɛnu, anu nyɛɛnɛ n kɔgɔ la kɔnɔ alamɛ Mari ya anu tɔrɔ iko a bɛnnɛ ka anu tɔrɔ nya min.”

Ɛsira 9:13

Hali tɔrɔyɛ min bɛɛ ara sigi ma la ka a tɛgɛ mala hakɛla ko ma, wo ma a bɔ iko a bɛnta, ma ni tɔrɔ nya min. I wara sɔn alako do ni to anu niyi la ma tɛma.

Yaburi 103:10

A ti to ma tɔrɔla iko a bɛnta, ma ni tɔrɔyɛ sɔrɔn nya min. A ti ma sara boloko-yogomɛ-kɛ iko ma hakɛ anubɛ mala ko-yogoma-kɛ ye nya min.

Yaburi 21:10

Anu kegeya-wo-kegeya ti to. Mansɛ si anu ban fegba!

Yaburi 5:10

E, Alla, mɔgɔ sufa wonu bira ka anu tɔrɔ anu hakɛla ko la. A ma, anuna yanfanteyɛ wonu ni sɛgi anu denu kɔgɔ rɔ. Anu tɔrɔ ka a tɛgɛ anu hakɛ anubɛ anuna murutiyɛ ma. I ni anu bɔ i yakɔrɔ.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Nimisa Koe 3:64

“E, Mari, anu tɔrɔ iko anu wɔli kɛ-nya.

Isikiyɛli 38:10

N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

Lankɛnimayɛ 18:6

Wo ni a bira iko a ya wo bira nya min. Wo ni wo tayili sara kinyama fila ala wɔli-yogomɛ wola ko la. A ya minni-fen-kunayanɛ min tabɛn wo ye, wo ni ala yi-lafɛ lafa wo nyɔgɔn fila la a ye.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.