Yaburi 27:11 - ALLALA KUMƐ

¹¹ Mari, a sɔgɛ ye i la, n ni min ma, i ni n karan wo la. N kunyɛ sɔ kan-tina-latankanɛ la bawo n yogenu siya pɔ!

Yaburi 27:11 ပူးပေါင်းရင်းမြစ်များ

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 139:24

N gbɛngbɛn, i ni a lɔn ni karagbɛlɛyɛ ye n tɔ. Kila-bɛrɛbɛrɛ yira n na min bi tala Arinyɛni tɔ!

Yaburi 25:12

Minnu bi ile Marita tɔnnu birala, a si to wonu makaranna alako anu ni ita kilɛ tagama.

Yaburi 25:9

Mari ye kila-nyimɛ yirala mɔgɔ-famayiginɛnu na. A si anu karan alako anu ni a sako lɔn.

Yaburi 26:12

N lanɛ a la ko n tankanɛ masiba-koe bɛɛ ma. N bi Mari tantola ala mɔgɛ bɛɛ yakɔrɔ.

Yaburi 5:8

Mari, i ni telenbagaya-kilɛ yira n na ka a tɛgɛ n yogo-siyamɛla ko ma. I ni n dɛnbɛ alako n ni i sako kɛ.

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Yaburi 54:5

Alamɛ i ya anuta karagbɛlɛyɛ lasɛgi anu kɔgɔ rɔ ka anu tɔrɔ. Ile si anu tɔrɔ bawo lanaya-tigi le ile la.

Yaburi 64:6

Anu miriya bɛnnɛ ko-yogoma-kɛ le ma tolon! Anu bi a fɔla ko ma gba-bɔ-mɔlɔni sa anu bolo muk! Hadama-den-miriya anubɛ a hɛnkili-nya ti yen.

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Hɛnkilimaya-Kumɛnu 15:19

Tinya-mansɛ ye tala kila-wo-kila fɛ, a si a fɔ ko wɔnɛnu bi kilɛ wo la kɔnɔ mɔgɔ-latelennɛ ye tala kan-bo-kan, wola kilɛ lakani de a yala fagba!

Hɛnkilimaya-Kumɛnu 8:9

Nna kumɛ kɛnu, hɛnkilimɛnu denu bi anu kɔrɛ lɔnna. Minnu bara karan, wonu denu bi nna kumɛ kɛnu lɔnna tonyɛ la.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Luka 20:20

Woletɔ anu ya dɛdɛ rasa a ma. Anu ya mɔgɛ donu sɔ minnu si anu nyɛrɛ ma iko mɔgɔ-nyimɛnu. Anu ya wonu sɔ alako ka Yisa bira nyinikalɛnu fɛ. Woletɔ anu si ke ka a ladon Romu kun-tigila fanka anubɛ sɛnbɛ kɔrɔ.