Yaburi 25:5 - ALLALA KUMƐ

⁵ N karan alako n ni i sako lɔn ka a bira bawo ile le nta Alla la min si n kisi. N lanɛ i la tumɛ bɛɛ.

Yaburi 25:5 ပူးပေါင်းရင်းမြစ်များ

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Yobu 36:22

I miri Allata sɛnbɛ kolo nya min. Karan-mɔgɛ bɛɛ kun-tigi le ale la.

Yaburi 107:7

Anu bi tala sigila soe min tɔ, a ya so-ta-kila-telennɛ yira anu na.

Yaburi 119:26

N ban n nyɛrɛ fɛɛ-koe-bɛɛ rakaranna, i ya n denkun nna madiyalɛ rɔ. N karan i wara-koe ma.

Yaburi 119:33

Mari, ita tɔnnu kɔrɔ-bɛrɛbɛrɛnu yira n na alako n ni to anu birala burubukai!

Yaburi 119:66

N karan hɛnkili anubɛ ko-kɔrɔ-lɔn la bawo n lara ita tɔnnu na.

Yaburi 119:97

Ila tɔnnu di n ye kosɛbɛ! Telen-gbɛn, n bi n mirila anu ma.

Yaburi 22:2

Nta Alla, n bi i rakelela tele rɔ kɔnɔ i ti a labira. N bi i rakelela suyi rɔ fanan kɔnɔ do ti bɔ nta tɔrɔyɛ la.

Yaburi 24:5

Mari si ata duwɛ layigi anu kuma ka anu kisi. Alla si a fɔ ko fɛɛ sa anu na.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Yaburi 25:8

Mari ye hakɛ-tiginu karanna ka anu natelen bawo Mari telennɛ, ado a sɔn kin.

Yaburi 68:20

Mata Alla le ma kisilɛ la. Ale ma tigi, wo le si ma latanka sayɛ ma.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Yaburi 86:3

E, Mari, i ni kinikini nde ma. Telen-gbɛn, n bi i madiyala.

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Hɛnkilimaya-Kumɛnu 23:17

Keliyɛ kana i bira hakɛ-tiginu wara-koe ma. Marita gbiliyɛ min bi ile rɔ, wo le ni sɛnbɛ sɔrɔn i yisi rɔ yati!

Hɛnkilimaya-Kumɛnu 8:34

Mɔgɛ min si to nala tuma-wo-tuma ka a tole masɔ n na, wo tigi si sewa. Wo si to n makɔnɔna ka a yɛ bɛn kilɛ ma.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Aiseya 54:13

A ko ale Mari nyɛrɛ si ila mɔgɛnu karan ka yisi-kimɛ di anu ma.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Maika 7:7

“Hali wo, nde, Nɛbi Maika, n bi n kisilɛ Mari Alla makɔnɔna. Nta Mari Alla si a wɔlɔ matɔlɔ nta kumɛ kɛ la.”

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.

Yɔni 6:45

Nɛbinu ya a sɛbɛ ko, ‘Alla si mɔgɛ bɛɛ karan.’ Min bɛɛ wa a tole masɔ n Fa Allala kumɛ la ka a karan, wo si na n bara.

Romu 8:14

Allata Niyi ye kilɛ yirala minnu na, Allata dan le wonu na.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”