Yaburi 25:4 - ALLALA KUMƐ

⁴ Mari, n karan alako n ni i kɛ-nyanu lɔn iko i ye nyinina n ma nya min.

Yaburi 25:4 ပူးပေါင်းရင်းမြစ်များ

1 Mansɛnu 8:36

i ni wo lamɔɛn san-kole rɔ ka Isirɛla mɔgɛnu makoto. I ni anu nabila ko-nyimɛ-kɛ la anu si to min kɛla. I ya nyamanɛ min di anu ma, i ni bandɛ lana worɔ tun.

Yaburi 119:27

A sɔgɛ ye i la, n ni min ma, n dɛnbɛ alako n ni wo lɔn. Wo kɔma, i wara ita kabana-koe minnu kɛ n ye, n si n miri wonu ma.

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 27:11

Mari, a sɔgɛ ye i la, n ni min ma, i ni n karan wo la. N kunyɛ sɔ kan-tina-latankanɛ la bawo n yogenu siya pɔ!

Yaburi 5:1

E, Mari, n tenbi i madiyala, i wɔlɔ matɔlɔ n kuman-kan la. I ni i fonde lamiri n kurun-kan la.

Yaburi 5:8

Mari, i ni telenbagaya-kilɛ yira n na ka a tɛgɛ n yogo-siyamɛla ko ma. I ni n dɛnbɛ alako n ni i sako kɛ.

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Bɔ-Koe-Iyipiti 33:13

Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”

Hɛnkilimaya-Kumɛnu 8:20

N bi tagamana telenbagɛnuna kilɛ le fɛ. N bi lafisaya-kilɛ le ma.

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.