Yaburi 25:3 - ALLALA KUMƐ

³ Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 25:3 ပူးပေါင်းရင်းမြစ်များ

Ko-Dabirɛnu 49:13

“Ile Sɛbulɔn, i bɔnsɔn si sigi kɔgɔ-yi dafɛ. Nyɔ si ma kulun nasɔ tinɛ la. Ita nyamanɛ si ta fɔɔ Saidon soe.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

Yaburi 109:3

ka kuma-yogomɛnu fɔ n bara-koe rɔ. Anu bi kɛla n ma fu! N ma kɔrɛ yen a la.

Yaburi 119:78

Alamɛ wasintenu miliyara bawo anu bi tɔgɛ sala n na kɔnɔ nde yili ti bɔ ita karan ko.

Yaburi 123:2

E, mata Mari Alla, ma yɛ bɛnnɛ i ma ha i ni kinikini ma ma iko wɔli-kɛlɛ si a yɛ bɛn a tigi ma nya min.

Yaburi 132:18

A ko a si a yogenu namiliya kɔnɔ ata mansayɛ si ta yarɔ ka wara.

Yaburi 22:6

N sa hadama-denya la tun. N mani de gbɛ iko tunbi bawo mɔgɛnu bi nyimala n tɔ.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 31:17

Mari, n bi i rakelela. A ma, n kana na yarabi. Alamɛ karagbɛlɛnu yarabira. Alamɛ anu tara kaburu-madɛnni-dondon-bɛ rɔ.

Yaburi 31:18

Alamɛ tɔn sigira foninya-fɔlɛnuna kumɛ la. Nyɛrɛmankolɛ le anu na, ado anu wasira. Anu bi mɔgɔ-telennɛnu tasɛla.

Yaburi 33:20

Ma yigi bɛɛ bɛnnɛ Mari le ma. Ma dɛnbɛlɛ anubɛ ma latankalɛ le Mari la.

Yaburi 35:26

Minnu sewanɛ nta tɔrɔyɛla ko la, alamɛ wonu ya nanparan sɔrɔn ka yarabi. Minnu bi anu nyɛrɛ kɔrɔbila ka tenbi nde la, alamɛ miliyɛ donta wonu kun na yorobi!

Yaburi 37:34

I yigi sa Mari rɔ ka ata tɔnnu bira. Wo si a ma, i ni gbiliyɛ sɔrɔn. Nyamanɛ ni to i bolo worɔ. Mari tenbi karagbɛlɛnu gbenna nyamanɛ wo rɔ, i si wo rayen i yɛ la.

Yaburi 6:10

N yoge bɛɛ si miliya n ye dɔgɔma-ma-de! Ile Mari le si anu yarabinɛ gben tiriya!

Yaburi 62:1

N si a bira n tɔ ha Alla ni n kisi. N lara ale kelen pe le la.

Yaburi 62:5

N yɛ bɛnnɛ ale Alla kelen pe le ma. N yigi bɛɛ sanɛ ale le tɔ.

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Yaburi 69:6

I yandi, a ma, n kana yarabiyi lana ila mɔgɛnu ma. Anu lanɛ n tigi Mari Sɛnbɛ-Bɛɛ-Tigi Alla kelen pe le la. I yandi, a ma, n kana i batolɛnu namiliya. Isirɛlata Alla le ile la.

Yaburi 71:13

Minnu bara wuli n kan ma, alamɛ wonu kasarata ka tunu yen! Min tayanɛ n tanban-koe la, alamɛ wonu yarabira n ye.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Nimisa Koe 3:25

Mari si ko-nyimɛ kɛ mɔgɛ wonu ye minnu bi a nyinina anu yisi bɛɛ la.

Maika 7:7

“Hali wo, nde, Nɛbi Maika, n bi n kisilɛ Mari Alla makɔnɔna. Nta Mari Alla si a wɔlɔ matɔlɔ nta kumɛ kɛ la.”

Yɔni 15:25

ado fɔ a ni ma wo nya na le alako min sɛbɛnɛ anuta tɔn rɔ, wo ni bɔ-a-la. A sɛbɛnɛ ko, ‘N gboyara anu ye, a kɔrɔ-wo-kɔrɔ sa a la.’

Romu 8:25

Kɔnɔ ma ma min yen bɛ, ni ma ya ma yili-madiyɛ sa wo kuma, ma si ma munyu ha ma ni a sɔrɔn.