Yaburi 25:11 - ALLALA KUMƐ

¹¹ E, Mari, n makoto n hakɛ-siyamɛ la iko i wara lanyiri kiri n ye nya min.

Yaburi 25:11 ပူးပေါင်းရင်းမြစ်များ

Yaburi 109:21

Kɔnɔ n tigi Alla, n dɛnbɛ iko i ya n yili-madiya nya min. N nakanan ka a tɛgɛ ila keninteya-dannatɛgɛbɛlɛ ma.

Yaburi 143:11

Mari, n niyi latanka iko i wara lanyiri kiri n ye nya min. N kisi nna tɔrɔyɛnu ma ila nyimayɛ la.

Yaburi 31:3

Nna kisi tinɛ le ile la min kɛ, i ni kilɛ yira n na iko i wara n yili-madiya nya min.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Bɔ-Koe-Iyipiti 34:7

N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 48:9

A ko a si ala diminyɛ bira-a-rɔ fɔlɔ, alako male, ala mɔgɛnu ni to ale gbiliyala. A ko a ti wo kasara feu! A si ala diminyɛ bira-a-rɔ fɔlɔn.

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Isikiyɛli 20:9

Kɔnɔ n ya a bira n tɔ. Ni n ya wo ma nun, wo si ma nyɛrɛ-lafɛyɛ la n bolo sibolo-gbɛrɛnu yala bawo n bara ban a lagbɛla anu ye nun ko n si anu nabɔ Iyipiti.

Isikiyɛli 36:22

“Woletɔ nde, i Tigi Marita kumɛ kɛ latenbi Isirɛla mɔgɛnu ma. A fɔ anu ye ko anu tara kan-tinɛ min bɛɛ rɔ, anu ya a ma, n tɔgɛ tinyanta wo dama rɔ. Kɔnɔ n bi Isirɛla mɔgɛnu nawɔlila alako ka a yira sibolo-gbɛrɛnu na ko n sɛnima. N sa wo mala Isirɛla mɔgɛnu tɔgɔ la. N bi wo mala n tɔgɔ-sɛnimɛ lela ko la ka a yira sibolo-gbɛrɛnu na ko n sɛnima. Anu si a lɔn wo le ma ko anu Tigi Mari le nde la. Nde ara ban kɛ fɔla.

Romu 5:15

ado mɔgɔ filɛ kɛnu ma kɛn. Alla ya ma sanba makotolɛ min na, wo mani ma iko ma benba Hadamata hakɛ. Tonyɛ le, mɔgɔ siyaman fagara ale Hadama kelan wo hakɛla ko la. Kɔnɔ Yisa wo ya a ma, Allata hinɛ warata mɔgɔ-siyamanna ko la. Ala hinɛ ya ma sanba Yisa la alako mɔgɔ-siyaman ni makotolɛ sɔrɔn.

1 Yɔni 2:12

N diyana-dannu, n bi do sɛbɛla wo ma bawo wo hakɛ ma ara koto Kirasiti tɔgɛla ko la.