Yaburi 24:7 - ALLALA KUMƐ

⁷ Bato-Bɔn don-dɛ minnu kɔrɔyanɛ ara mɛ, wonu naka wɛ kɛ. Wo dɛnu naka alako mansa-makawanɛ ni don.

Yaburi 24:7 ပူးပေါင်းရင်းမြစ်များ

2 Samuwɛli 6:17

Anu ya tɔn-kenkirɛ wo ladon ka a sigi a sigi-tinɛ rɔ fani-bɔn wo la, Mansa Dawuda ya min nadan kenkirɛ wo ye. A ya saraka-mintantɛ anubɛ yisi-kima-sarakɛnu bɔ Mari ye.

1 Mansɛnu 8:6

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melika wonuna muninyɛ kɔrɔ Sɛnima-Sɛnima-Tinɛ rɔ.

Yaburi 132:8

Mari, tɔn-kenkirɛ min bi ila sɛnbɛ-tamasereyɛ la, na wo la i Bato-Bɔn la. Nba, i ni na i mayigi nyɔ.

Yaburi 21:1

E, Mari, mata mansɛ ara sewa bawo i wara ila sɛnbɛ di a ma. A ara nyagalen bawo i wara a ma, a ara a yogenu nɔ.

Yaburi 21:5

Ka a tɛgɛ ila dɛnbɛnɛ ma, a ya gbiliya-belebele sɔrɔn. Ile Mari ya a ma mansa-tɔgɔlamɛ la. A mankan tara wuu!

Yaburi 97:6

San-kole fanan bi ala telenbagaya-koe fɔla. Sibole bɛɛ ye ata gbiliyɛ yenna.

Aiseya 26:2

Wo ni soe tarɛ-don-dɛ laka. I ni a ma, sibolo-telennɛ ni don, sibole minnuna mɔgɛnu bi ko-latelennɛ kɛla, kɔni.

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Maika 4:8

Hali wola Yerusalɛm soe kɛ si ma so-karantan la tun. Alla nyɛrɛ si taran wo tɛma ata Bon-Sɛnimɛ la kɔnkɔ-layan-bɛ wo kuma ka wo kun mafɛlɛn iko saga-fɛ-biralɛ si ala sagɛnu kumafɛlɛn nya min.

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

1 Kɔrɛnti 2:8

Duninya kɛ kun-tigi-fenfen ma hɛnkili wo nya-yen. Gbiliyɛ ye Mari min bolo, ni anu ya wo lɔn nun, anu ti wo gbangban kɔlɔma ma nun.

Yemesi 2:1

N na-kelen-nyɔgɛnu, wole minnu dɛnkɛninyanɛ ma Mari Yisa, Allata-Mɔgɔ-Yabɔnɛ ma, gbiliya-tigi, kɔni, wo kana mɔgɔ bira-nya lafisaya anu nyɔgɔn ko a yen-nya fɛ mumɛ!

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”