Yaburi 22:8 - ALLALA KUMƐ

⁸ Anu kɛnɛna a fɔla ko, “I lanɛ Mari min na nun, nfenna wo ti i kisi? Ni i di Mari ye bɛrɛbɛrɛ-wɛ-kɛ, nfenna a ti i dɛnbɛ?”

Yaburi 22:8 ပူးပေါင်းရင်းမြစ်များ

Yobu 16:4

Ni n bi le iko wole ye nya min, n si ke kumala iko wole. N si n kunyɛ firifiri ka kuma-gbondanɛnu fɔ wole fanan ma.

Yaburi 109:25

Mɔgɛnu ba n yen, anu si yɛlɛn n ma. Minnu ba a labɔ n ma, wonu si anu kunyɛ firifiri.

Yaburi 18:19

A ya n bɔ gbalo rɔ ka n nakanan bawo n bara-koe di a ye.

Yaburi 37:5

I nyɛrɛ latenbi Mari ma. Ni i lara ale la, a si i dɛnbɛ de!

Yaburi 42:10

N yogenu bi n tasɛ min kɛla, wo ye n tɔrɔla ha ka don n kole la bawo anu bi tola n manyinikala ko, “Ita Alla ye mintɔ?”

Yaburi 55:22

Mɔgɛ bɛɛ ni ala kɔndɔfili don Mari bolo. Ale si wo kumafunfan. A ti sɔn mɔgɔ-telennɛ bu-koe ma.

Yaburi 71:11

Anu bi a fɔla ko, “Alla ara ban a bolokala. Ma ni a sagaran ka a bira bawo ala tankala sa.”

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Hɛnkilimaya-Kumɛnu 16:3

I ni i fɛ-koe bɛɛ dantɛgɛ Mari ma, woletɔ ni i ya i bole don ko-wo-ko rɔ, wo si ta yarɔ.

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Matiyu 12:18

“N bara nna wɔli-kɛlɛ min yabɔ, wo le kɛ la. N bara wo keni, ado wo ara n hɛnɛ feu! N si nta Ni-Sɛnimɛ sa a kuma. A si telenbagayɛ wara-koe fɔ sibole bɛɛ ye.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Luka 23:35

Mɔgɛnu sɔra a mafɛlɛn tinɛ. Yahudiyanuna kun-tiginu bi a mayɛlɛnna, anu ko, “A ya donu kisi kɔnɔ ni Allata-Mɔgɔ-Yabɔnɛ le ale la, alamɛ a ya a nyɛrɛ kisi!”