Yaburi 22:7 - ALLALA KUMƐ

⁷ Minnu ba n yen, wonu si n mayɛlɛn. Anu bi anu nagan labɔla n ma ka anu kunyɛnu tamaga.

Yaburi 22:7 ပူးပေါင်းရင်းမြစ်များ

Yobu 12:4

Hali n kenintenu, anu bara n ma yɛlɛnma-fan la. Alla ye nna madiyali-kan lamɔɛnna. N natelennɛ, fɛɛ sa n na kɔnɔ hali wo, anu bi n mayɛlɛnna.

Yobu 16:10

Mɔgɛnu bi anu dɛ murundula-a-la n ma. Anu bi n dɛ le tatiila. Anu bi kɛla n ma nya-kun-kelen.

Yobu 16:4

Ni n bi le iko wole ye nya min, n si ke kumala iko wole. N si n kunyɛ firifiri ka kuma-gbondanɛnu fɔ wole fanan ma.

Yaburi 109:25

Mɔgɛnu ba n yen, anu si yɛlɛn n ma. Minnu ba a labɔ n ma, wonu si anu kunyɛ firifiri.

Yaburi 31:18

Alamɛ tɔn sigira foninya-fɔlɛnuna kumɛ la. Nyɛrɛmankolɛ le anu na, ado anu wasira. Anu bi mɔgɔ-telennɛnu tasɛla.

Yaburi 44:14

I wara ma ma yɛlɛnma-fan la sibolo-gbɛrɛnu ye. Anu bi ma bɔrɔbɔla ka anu dɛ bogoya ma telen tɔ.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Aiseya 57:4

wo ye yon mala yɛlɛnma-fan la? Wole ye yon mɔɛnna? Wo ye wo nagan labɔla yon telen tɔ? Wo ara wo kan-kɔ sɔ Alla la ka ma foninya-fɔlɛnu na.

Matiyu 27:29

Anu ya wɔnɛ ma mansaya-fulɛ la ka wo sigi a kunyɛ la ka kɔlɔma don a bolo-nyimɛ rɔ. Wo kɔma, anu ya anu nyɛnkin a kɔrɔ a mayɛlɛn-koe la. Anu ko, “Yahudiyanuna mansɛ, alamɛ i mɛra!”

Matiyu 9:24

a ko, “Wo bɛɛ bɔ yan! Dunmusu kɛ fagani ma. A ye kinɔgɛ le tɔ dɔrɔn.” Anu dama ya Yisa mayɛlan dabira.

Maraka 15:20

Anu banta a mayɛlɛnna tumɛ min, anu ya duruku-yan kara-fin-damɛ wo bɔ a kan na ka a nyɛrɛta fanɛnu don a ma tun. Anu tara a la a gbangban tinɛ kɔlɔma ma.

Maraka 15:29

Mɔgɔ-tenbimatoenu ya anu kunyɛ radɔn Yisa ma ka a lafɛya. Anu ko, “Ile. I ko i si Alla-Bato-Bɔn wayan ka a sɔ tun tele sawa kɔrɔ,

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 23:11

Mansa Hɛrodi anubɛ ala kandannɛnu ya Yisa mayɛlɛn ka a manyini kati! Anu ya duruku-nyimɛ bila a kan na ka a lasɛgi Pailɛti ma.