Yaburi 22:6 - ALLALA KUMƐ

⁶ N sa hadama-denya la tun. N mani de gbɛ iko tunbi bawo mɔgɛnu bi nyimala n tɔ.

Yaburi 22:6 ပူးပေါင်းရင်းမြစ်များ

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

Yobu 25:6

Kumanato hadama-dan ma, tunbi ye wo min na. Nfen bi hadama-dan la Alla yala?

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 31:1

Mari, n nara i wara le nna kanan-koe rɔ alako n kana na miliya. I telennɛ min kɛ, woletɔ n bi i madiyala alako i ni n nakisi.

Yaburi 31:11

Hali n sigi-nyɔgɛnu anubɛ n yogenu, n sɔgɔ la ara bɔ wonu na lass! Minnu ya n lɔn kɔrɔma la, wonu kilannɛ n na. Anu ba n yen soe tɛma, anu si anu buri n kɔrɔ.

Yaburi 41:5

N yogenu bi kuma-yogomɛnu fɔla nna ko rɔ. A sɔgɛ ye anu na, n ni faga alako mɔgɛnu ni nyina n ko salon!

Yaburi 88:8

I wara a ma, n diyana-mɔgɛ bɛɛ ara n magboya. I wara a ma, anu bara nyima n tɔ. Anu bara n balan. N ti ke tala kan-bo-kan.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Nimisa Koe 3:30

Hali anu ya gbesili anubɛ mɔɛn sigi ma ma, ma si ma munyu wonu kɔrɔ.

Matiyu 11:19

Nde, Hadama-danla nɛ, n ya fen dɔn ka n min. Bɛɛ ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le.’ Hali wo, Allata hɛnkilimayɛ ara yen ata kɛwɔli-latelennɛnu fɛ ko tonyɛ le.”

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Yɔni 7:15

Yahudiyanuna kun-tiginu kawara kati! Anu ko, “Kei kɛ ya kɛ bɛɛ lɔn kama, a ma karan nun lun-kelen-bɛrɛn?”

Yɔni 7:20

Nyama ya a yabi ko, “Nyinatoe le ile la! Yon bi a rayala i faga-koe ma?”

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Hiburunu 13:12

Wo le ya a to, Yisa fanan fagara soe kɔma alako mɔgɛnu ni sɛninya anu hakɛ ma Yisa nyɛrɛ yele fɛ nya min.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.