Yaburi 22:23 - ALLALA KUMƐ

²³ N si to a fɔla anu ye ko, “Wole Marita wɔli-kɛlɛnu, wo ni to a tantola. Wole Yakoba kegeyɛnu, wo ni Mari gbiliya.

Yaburi 22:23 ပူးပေါင်းရင်းမြစ်များ

Yaburi 106:5

I ni sɔn, n ni ila mɔgɛnu yen tala yarɔ alako nde fanan ni do sɔrɔn anuta sewɛ rɔ. Nde fanan ni n wasi i la iko ita mɔgɛnu.

Yaburi 109:30

N kulu-mayɛlɛnɛ si baraka bira Mari ye. N si a matɔgɔ sɛrɛ-finfinsɛ tɛma

Yaburi 111:1

N si Mari tanto! N tenbi Allala mɔgɛnu tɛma, n si baraka bira Mari ye n yisi bɛɛ la.

Yaburi 115:11

Wole min bɛɛsi ye Mari batola, wo ni la a la. Ale le ye wo dɛnbɛna ka wo lakanan.

Yaburi 115:13

Min bɛɛ ye a gbiliyala, ata duwɛ ye yigila wonu kuma. A dɔgɔma wo, a kinama wo, a bɛɛ rakɛn a yala.

Yaburi 145:19

Makolamɛ minnu bi a gbiliyala, a si wonu makoe nyinya. A si anu di-kɛ-kan lamɔɛn ka anu kisi.

Yaburi 22:30

Ma kegeyɛnu si ala wɔlɛ kɛ. Wonu si ma tigi wara-koe fɔ anuta dannu ye.

Yaburi 26:12

N lanɛ a la ko n tankanɛ masiba-koe bɛɛ ma. N bi Mari tantola ala mɔgɛ bɛɛ yakɔrɔ.

Yaburi 33:8

Duninya-mɔgɛ bɛɛ ni Mari bato. Mɔgɛ bɛɛ ni kawa a ma.

Yaburi 35:18

I wa ban wo mala n ye tumɛ min, n si baraka bira i ye mɔgɛ bɛɛ yala. N si i tanto anu yakɔrɔ.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Yaburi 86:12

E, nta Mari Alla, n si i matɔgɔ n yisi bɛɛ la. N si to i tɔgɔ-makawanɛ gbiliyala burubukai!

Aiseya 25:3

Nyamani-makawanɛ-mɔgɛnu si i matɔgɔ. Hali karagbɛlɛnu siginɛ soe minnu tɔ, wonu si kilan i la.

Luka 1:50

Ka a bi n benba benbɛnuta wati ma ha ka yigi, min bɛɛ kilannɛ Alla la ka a sako kɛ, a si kinikini wonu ma.

Luka 2:20

Saga-fɛ-biralɛnu sɛgira sewɛ la. Ka a tɛgɛ anu bara min namɔɛn anubɛ ka min yen, anu bi Alla tantola ka a gbiliya wo bɛɛla ko la. Iko melika ya a fɔ anu ye nya min, wo bɛɛ mara wo nya na le, yɔ!

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”