Yaburi 22:16 - ALLALA KUMƐ

¹⁶ N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Yaburi 22:16 ပူးပေါင်းရင်းမြစ်များ

Yaburi 22:1

E, nta Alla, nfenna i wara n boloka? N bara n kan nabɔ i ma alako i ni n dɛnbɛ kɔnɔ ha bi, i ma na wɛ.

Yaburi 22:20

N natanka alako anu kana n mɔnima-fagɛ-kɛ. N niyi latanka wuli kɛnu masibɛ ma.

Yaburi 38:11

N diyana-mɔgɔ-bɛrɛnu anubɛ n sigi-nyɔgɛnu sa anu gbɛrɛnna n ma ka a tɛgɛ nna tɛlɛnuna ko ma. Hali n na-kelen-nyɔgɔ-bɛrɛnu, anu sa anu gbɛrɛnna n ma.

Yaburi 59:14

Wura-wo-wura, n yogenu si sɛgi soe, anu bi belenna kurunna anu nyɔgɔn ma iko wulu-feremɛnu tenbi basanni soe la.

Yaburi 59:6

Wura-wo-wura, anu si sɛgi soe. Anu bi belenna kurunna anu nyɔgɔn ma iko wulu-feremɛnu tenbi basanni soe la.

Yaburi 86:14

E, Alla, mɔgɔ-wasinɛnu bi nala n kan ma. N faga-sɔgɛ ye karagbɛlɛ kurɔn kɛnu denu na, ado anuna ko sa ila ko rɔ.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 26:57

Minnu ya Yisa bira, wonu tara a la Saraka-Masɔla-Kun-Tigi Kaifasi warɛ, tɔn-karan-mɔgɛnu anubɛ Yahudiya-kɛmɔgɛnu nadɛnnɛ kan min.

Matiyu 27:35

Anu ya a gbangban kɔlɔma ma. Wo kɔma, anu ya korɔn lakɛ ala durukinu tatala-koe ma anu nyɔgɔn tɛma.

Matiyu 7:6

“Wo kana fen-sɛnimɛ di wulinu ma bawo ala ban, anu si sɛgi wo kan ma ka wo kin. Wo kana kuru-da-gbɛlɛnu nakɛ kɔsɛnu kɔrɔ bawo anu si wonu tatɛntɛn anu kian kɔrɔ.

Maraka 15:24

Wo kɔma, anu ya a gbangban kɔlɔma ma. Anu ya korɔn nakɛ ka ala durukinu tatala anu nyɔgɔn tɛma.

Luka 23:23

Kɔnɔ anu tora wɔyɔ layɛlɛla ko, “Yisa ni gbangban kɔlɔma ma.” Tɔ-a-la, anuna kumɛ ya sɛnbɛ sɔrɔn.

Luka 23:33

Kan tinɛ min tɔgɛ “Kun-kole,” anu kera nyɔ ma tumɛ min, anu ya Yisa gbangban kɔlɔma ma nyɔ anubɛ ko-yogoma-kɛla filɛ wonu, kelen a bolo-nyimɛ rɔ, kelen a bolo-maran rɔ.

Yɔni 19:23

Kɛlɛ-dannu banta Yisa gbangbanna kɔlɔma ma tumɛ min, wo kɔma, anu ya ala kurɛnu fara sigi tina nani. Anu ya ala duruku-kɔrɔ-don fanan bi. Duruku-kɔrɔ-don wo, a dan-gbere sa, a kara-yili sa.

Yɔni 19:34

Hali wo, kɛlɛ-dan do ya tanbɛ bi ka Yisa sɔgɔ a tɔnkɔn rɔ. Yele anubɛ yi tugura anu nyɔgɔn fɛ.

Yɔni 20:25

Karan-dan doinu ya a fɔ a ye ko, “Ma ara Mari yen!” Tamasi ya a fɔ anu ye ko, “Ni n ma lɔntuma-pɛrɛ yen a kɔɛnnu tɔ ka n bolo-nɔlɔnɛ don lɔntuma-gbɛ wonu tɔ anubɛ ka n bole ladon a tɔnkɔn rɔ, nde ti la a la.”

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.