Yaburi 22:15 - ALLALA KUMƐ

¹⁵ N kan la ara gbala iko daga-gbɛnkian. N nagan ara nɔrɔn n naganagan la. I ya n bolokanɛ to gbangban rɔ iko furi.

Yaburi 22:15 ပူးပေါင်းရင်းမြစ်များ

Ko-Dabirɛnu 18:27

Iburayima ya a fɔ a ye tun ko, “N bara kuma i ye yisi-latɛgɛ rɔ. Nde ma bɛn ka wo ma kamasɔrɔn fenfen ma nde la. N mani de iko gbangban i yala.

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

2 Samuwɛli 14:14

Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

Yobu 10:9

I miri de! I ya bɔnkɛ le bi ka nde dan. I ye nala n nunkula le tun iko gbangban?

Yobu 19:20

N fɛrɛ bɛɛ ara ka n kole ma. Fɔ mabɛ n darɔ-nyin min tonɛ.

Yobu 29:10

Hali mɔgɔ-ba-kolomɛnu, wonu si a sigi-a-la. A manɛ iko anu nagan wo gbarannɛ anu naganagan la.

Yobu 30:16

N fagamatoe le kɛ la gbɛ! Fenfen ti bɔ nna dumɛ la tun.

Yobu 34:15

mɔgɛ bɛɛ si faga wo rɔ ka yɛlɛma gbangban la tun.

Yobu 7:21

Ha bi, i ti n hakɛ makoto? I ti i muin nna fɛɛnu ma? A ti mɛ tun, n si taran nna kanbɛ rɔ. Ni i ya n nyini, i ti n yen.

Yaburi 104:29

I wa i kan-kɔ sɔ anu na, wo si anu takilan. I wa ila fɔnyɔ bi anu bolo, anu si faga. Anu bi sɛgila bɔnkɛ le tɔ tun anu bɔra kan min nun.

Yaburi 30:9

N ya a fɔ i ye ko ni n fagara, tɔnɔ-nyamintan bi wo la i ma? Ni n sanɛ kanbɛ le tɔ nun, wo si nfen nyinya i ma? Furi si ke i matɔgɔla, wa? Furi si ke ila telenbagayɛ wara-koe rakaranna mɔgɛnu ye, wa?

Yaburi 38:10

N yisi ye tugula biubiu! N sɛnbɛ ara ban. N yɛ bɛɛ ara ma dɔɔlɛ!

Yaburi 69:21

Kɔnkɛ ye n na tumɛ min, anu ya mɔgɔ-faga-fan le di n ma. N kan lagbalata wati min, anu ya kotuli le di n ma.

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Hɛnkilimaya-Kumɛnu 17:22

Ni-radiyɛ anubɛ kɛndɛyɛ le ye tala anu nyɔgɔn fɛ kɔnɔ yisi-tinya si mɔgɔ-siyi madɔgɔya.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Nimisa Koe 4:4

Ka a tɛgɛ kan-nagbalɛ ma, wola dannu nagan si gbaran anu naganagannu na. Hali anuna dannu bi anu tarala kɔnɔ anu ti anu kɔ bawo dɔn-fen-koe ma anu tabɔ.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Matiyu 27:50

Yisa ya a kan labɔ tun bɛrɛkɛ, ka a niyi laban lafɛ.

Yɔni 19:28

Wo kɔma, Yisa ya a lɔn ko Alla ara wɔli min bɛɛ di a ma, a ara wo bɛɛ kanbali feu! A ko, “N kan la ara gbala.” A ya wo fɔ alako min sɛbɛnɛ Allata kitabu rɔ, wo ni bɔ-a-la.

1 Kɔrɛnti 15:3

N bara sarakanɛ min sɔrɔn, n bara wo latenbi wo ma, ado ko-belebele-wa le kɛ la ko Kirasiti fagara ma hakɛnuna ko la iko a sɛbɛnɛ Allala kitabu rɔ nya min.