Yaburi 20:7 - ALLALA KUMƐ

⁷ Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 20:7 ပူးပေါင်းရင်းမြစ်များ

2 Samuwɛli 10:18

Siriya wonu ya anu buri Dawudala kɛlɛ-dannu kɔrɔ. Kɛlɛ-dan minnu bi kirindinu naburila, Isirɛla mɔgɛnu ya wonu mɔgɔ kɛmɛ wɔrɔnfila (700) faga. Minnu fanan bi soeenu naburila, Isirɛla mɔgɛnu ya wonu mɔgɔ waga bi-nani (40,000) faga. Isirɛla mɔgɛnu ya Siriya kɛlɛ-den-kun-tigi Sobaki tanban. Wo le ya a ma, wo kunyɛ tora kɛlɛ rɔ.

2 Samuwɛli 8:4

Kɛlɛ-dan minnu bi soeenu naburila, Mansa Dawuda ya wonu mɔgɔ waga kelen anubɛ mɔgɔ kɛmɛ wɔrɔnfila (1,700) bira. So sa kɛlɛ-dan minnu bolo, a ya wonu mɔgɔ waga mogan (20,000) bira. Soee minnu si ke kirindi kɛmɛ saganna, a ya wonu namara. A toe, a ya wonu kin-kɔma-fasɛnu natɛgɛ.

2 Ko-Kɔrɔta-Karan 13:16

Isirɛla kɛlɛ-dannu ya anu buri Yuda kɛlɛ-dannu kɔrɔ. Alla ya a ma, Yuda kɛlɛ-dannu ya Isirɛla kɛlɛ-dannu nɔ.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

Yobu 39:11

Ile si ke i yigi sala sigi wo sɛnbɛ-wɛ kuma alako a ni ila wɔli-gbɛlɛmɛnu kɛ i ye?

Yaburi 28:8

Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 45:17

Nna bɛti kɛ si a ma, ila mansaya-mankan ni to koloyala burubukai! Mɔgɛ bɛɛ si to i matɔgɔla habadan!

Hɛnkilimaya-Kumɛnu 21:31

Mɔgɔ si soeenu tabɛn kɛlɛ-kɛ-koe la kɔnɔ min bi kɛlɛ nɔla, Mari le ye wo latɛgɛla.

Aiseya 30:16

Yanni wo ni wo ma, wo miriya bɛnnɛ ma fenfen ma fɔ ka wo sigi wola so-latirimɛnu na, ado wo ma foni. A ye nala a labanna wo le ma gben! Wola soee wonu ya anu buri nya-wo-nya, wo gbennɛnu bi anu burila wonu ko.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Yɛrɛmaya 17:5

Mari kan le kɛ la, a ko dankɛ ye wo tigi kuma min bi a yigi sala a hadama-den-nyɔgɛ rɔ, ado wo ye a tola mɔgɔ-bagbuyi anubɛ a sɛnbɛ dɔrɔn le ma ka a kan-kɔ sɔ Mari la.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”