Yaburi 20:6 - ALLALA KUMƐ

⁶ N bara ban a lɔnna ko Mari si a ma, ata mansa-yabɔnɛ ni nɔ-ko sɔrɔn a yogenu ma. A si a yabi Arinyɛni tɔ. Ata sɛnbɛ-makawanɛ si a ma, mansɛ wo ni nɔ-ko sɔrɔn.

Yaburi 20:6 ပူးပေါင်းရင်းမြစ်များ

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

Yaburi 17:7

Ila keninteya-dannatɛgɛbɛlɛ yira n na ka n nakisi. Ni n bi i dafɛ, n nakananni de n yogenu ma worɔ.

Yaburi 18:35

E, Mari, i wara n nakanan. I wara n dɛnbɛ woletɔ n bara ma tɔgɔlamɛ la.

Yaburi 18:50

Ale Alla le ye a mala, nde, ata mansa-yabɔnɛ ni nɔ-ko sɔrɔn. A ye ata keninteyɛ yirala nde, Dawuda anubɛ n kegeyɛ la burubukai!

Yaburi 2:2

Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

Yaburi 28:8

Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 41:11

Anu ti n nɔ wo rɔ. N si a lɔn wo le ma ko n bara-koe ara ile Mari hɛnɛ.

Yaburi 9:15

Kafirinu bi gbɛrɛ min nasigila mɔgɛnu ye, anu denu denu bi birala wo la.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 58:9

Ni wo ya Mari rakele wo wati rɔ, a si wo denkun. Ni wo dira ale Mari dala, a si a fɔ ko, “N bi yan.” Wo ni wo fara dunɛ sala wo ta-nyɔgɛnu kuma. Wo ni wo fara mɔgɔ-rafɔɛ anubɛ mɔgɔ-rakaran la.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Maika 4:5

“Hali sibolo-gbɛrɛkɛ-mɔgɛnu bi anu nyɛrɛta bɛsɛnu kɔla kɔnɔ male si mata Mari Alla bato burubukai!

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Kɛwɔlɛnu 2:36

“Nba, wole Isirɛla mɔgɛ bɛɛ ni a lɔn serr, ko wo ya Yisa min gbangban kɔlɔma ma, Alla ara wo le ma Mari anubɛ ata Mɔgɔ-Yabɔnɛ la gbɛ!”

Kɛwɔlɛnu 4:10

nba, fɔ wobɛ Isirɛla mɔgɛ bɛɛ ni a lɔn ko kei kɛ kɛndɛyanɛ sɔnɛ wo yakɔrɔ yan Yisa Nasarɛti kɛ tɔgɛ sɛnbɛ le tɔ, Allata-Mɔgɔ-Yabɔnɛ, kɔni. Wole ya a gbangban kɔlɔma ma kɔnɔ Alla le ya a lawuli ka bɔ furinu tɛma.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.