Yaburi 18:8 - ALLALA KUMƐ

⁸ A fonde bɔnɛ min kɛ, a mara iko ta-sisi ye bɔla a sunyɛ rɔ. A mara fanan iko ta-wɔlɔn le a karɛ rɔ. Wo damasi mara bawo a fonde bɔnɛ.

Yaburi 18:8 ပူးပေါင်းရင်းမြစ်များ

Ko-Dabirɛnu 19:28

A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn ta-sisi.

Yobu 41:19

Ta-mɛlannu bi bɔla a dɛ rɔ Ta-lolenu kɛnɛna tiila a dɛ ma.

Yaburi 104:32

A wa duninya mafɛlɛn, dugi ni yɛrɛyɛrɛn. A wa a kɔɛn tugu kɔnkɛnu na, ta-sisi ni bɔ.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 74:1

E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Aiseya 24:18

Min tenbi a burila ko-makilannɛ do kɔrɔ, wo ye tala buila denkɛ rɔ. Min tenbi bɔla denkɛ rɔ, wo ye tala birala gbɛrɛ la. San-kole si a dɛ bɔ bandɛ kɔrɔ, ado dugu-kurukɛ-tinɛ nyɛrɛ si yɛrɛyɛrɛn.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Saraka-Masɔlɛnuta Tɔnnu 10:2

Woletɔ Mari ya tɛ layigi anu kuma ka anu mintan gburr! Anu fagara Mari nyɛrɛ yala nyɔ.

Emɔsi 4:11

Mari ko ale le ya wole, Isirɛla mɔgɛ donu kasara iko a ya Sɔdɔm anubɛ Kɔmɔra soenu tɔrɔ nya min. Mɔgɔ-toe minnu tora anu niyi la, wonu mani de iko ta ma sɔgɔ kundi. Kɔnɔ hali wo, wo ma sɔn sɛgila Mari ma.

Yilan-Yilan Koe 11:1

Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.