Yaburi 18:50 - ALLALA KUMƐ

⁵⁰ Ale Alla le ye a mala, nde, ata mansa-yabɔnɛ ni nɔ-ko sɔrɔn. A ye ata keninteyɛ yirala nde, Dawuda anubɛ n kegeyɛ la burubukai!

Yaburi 18:50 ပူးပေါင်းရင်းမြစ်များ

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

1 Ko-Kɔrɔta-Karan 17:27

N bi i matarala, i ni ita duwɛ layigi n kegeyɛnu kuma. Wo si a ma, anu ni to ila duwɛ kɔrɔ tuma-wo-tuma. Ile Mari Alla ara sarama-kan kɛ kiri, ado n kegeyɛnu ti foo ila sarama-kan kɛ la mumɛ!”

Yaburi 132:10

I wara lanyiri kiri ila wɔli-kɛlɛ, Mansa Dawuda ye. Mari, i kana i ban ita mansa-yabɔnɛ wo la.

Yaburi 144:10

I ye nɔlɛ dila mansɛnu ma ka nde, ila wɔli-kɛlɛ Dawuda latanka.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 57:10

Ila hinɛ anubɛ lanayɛ kolo iko dugu-kole anubɛ san-kole tɛmɛ ye nya min.

Luka 1:69

A ara kisilɛ-sɛnbɛmɛ lawuli ma ye min bɔnɛ Mansa Dawuda bɔnsɔn rɔ.

Romu 1:3

Kibara-nyimɛ wo tɛgɛnɛ Yisa le ma, Allala den-kei, kɔni, min sɔrɔnta Dawuda bɔnsɔn rɔ hadama-danta kilɛ fɛ.

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

Kalesiya 3:16

Nba, Alla ara lanyiri kiri Iburayima anubɛ a bɔnsɔn do ye, ado a ma sɛbɛ ko lanyiri wo kirinɛ a bɔnsɔn bɛɛ le ye fɔ mɔgɔ kelen pe, Kirasiti, kɔni.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”