Yaburi 18:33 - ALLALA KUMƐ

³³ Ale si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a si n sɔ-bole rabɛn.

Yaburi 18:33 ပူးပေါင်းရင်းမြစ်များ

2 Samuwɛli 2:18

Sɛruwala den mɔgɔ sawɛ ye nyɔ nun. Wonu tɔgɛ le Yohabu anubɛ Abisayi anubɛ Asahɛli, ado Asahɛli wo ye a burila iko woyan.

2 Samuwɛli 22:14

“Mari Min Bi Fan Bɛɛ Kuma, a kan ye bɔla san-kole rɔ iko san gbalamɛ.

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Habakuku 3:19

Ma tigi Mari le n sɛnbɛ la. A ya n kian banban dugi ma iko mina ka n nakanan kɔnkɛnu kuma.

Tɔn-Fɔɛ-Fila-Nyɔgɛ 32:13

“A ya a ma, wo taranta wo diya kɔnkɔ-layan-bɛnu kuma lanyiri-nyamanɛ rɔ. Wo ya fen siyaman sɔrɔn wola sɛnɛnu tɔ. Wo ya liyi taran faran-woenu na. Wola ki-fannu mara-a-la hali wɔsɔkɔrɔ-duginu tɔ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”