Yaburi 18:28 - ALLALA KUMƐ

²⁸ E, Mari, nta waan le ile la. Ile le si n to gbɛ rɔ ka pinpi gben n fɛ.

Yaburi 18:28 ပူးပေါင်းရင်းမြစ်များ

2 Samuwɛli 22:29

“E, Mari, nta waan le ile la. Ile le si n to gbɛ rɔ ka pinpi gben n fɛ.

1 Mansɛnu 11:36

Mari ko bɔnsɔn kelen pe, a ye wo le tola Mansa Silamɛnina dan bolo. Mari ko Mansa Dawuda bɔnsɔnnu si to mala mansɛ la Yerusalɛm soe burɔ bawo ale Mari le ya Yerusalɛm soe wo yabɔ alako mɔgɛnu si to a batola kan min.

1 Mansɛnu 15:4

Kɔnɔ ka a tɛgɛ Mansa Dawudala ko ma, Mari Alla ya dan di Mansa Abaya ma min si na a gbɛ bi. Yerusalɛm soe sɔra fanka rɔ ale Mari nyɛrɛ bolo.

Yobu 18:6

Karagbɛlɛ wo si ma iko lɛnpu sa bɔn min na.

Yobu 29:3

Wo wati rɔ Alla ye n fɛ nun, ado n tenbi tenbila pinpi rɔ, Alla ye waan rakala n ma.

Yaburi 112:4

Waan ra si ka pinpi-fin-bɛ rɔ mɔgɔ-nyimɛ ye. Wo ra si ka mɔgɔ-hinante anubɛ telennɛ fanan ye.

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Hɛnkilimaya-Kumɛnu 20:27

Iko mɔgɛ si lɛnpu sigi pinpi rɔ nya min, a ni waan raka, ma burɛ siginɛ gbɛ rɔ Mari yala wo nya na le.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 62:1

Yerusalɛm di n ye min kɛ, n ti fara a wara-ko-fɔɛ la. N si to a matɔgɔla ha ale Marita nyimaya-silɛɛ ni to tiila a ma iko tele. N si to a tantola ha ata kisi-koe ni malan iko tɛ.

Matiyu 4:16

Minnu siginɛ pinpi-fin-bɛ rɔ, wonu si na wan-belebele yen. Minnu siginɛ pinpi-makilanni-bɛ rɔ, tele ara fɛrɛn anu ma!”

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ