Yaburi 18:15 - ALLALA KUMƐ

¹⁵ Mari nyɛɛra a yogenu ma tumɛ min ka anu makuma, ma ya kɔgɔ-yi dumɛ-kole anubɛ dugu-kurukɛ-tinɛ yen ma yɛ la.

Yaburi 18:15 ပူးပေါင်းရင်းမြစ်များ

2 Samuwɛli 22:16

Mari nyɛɛra a yogenu ma tumɛ min ka anu makuma, ma ya kɔgɔ-yi duma kole anubɛ dugi kuru-kɛ-tinɛ yen ma yɛ la.

2 Mansɛnu 19:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, ale mansɛ ni faga nyɔ rɔ.”

Yobu 36:32

Alla si banda-nyin-masɔgɛ bira a kɔɛn-nyɛrɛ rɔ ka a lata kan tinɛ rɔ a miri ye min ma.

Yobu 4:9

Alla wa anu fɛ, anu si halaki. Ni Alla fonde bɔra, anu si kasara.

Yaburi 104:5

I wara dugu-kole balan gbɛn, a kurukɛ tinɛ kuma. A ra ti maga nyɔ mumɛ!

Yaburi 106:9

A kumara Kɔgɔ-Yi-Wulan ma, wo gbalata a worɔn la todo! A sɔra ala mɔgɛnu yarɔ ka dugu-gbalanɛ wo ratɛgɛ.

Yaburi 144:6

I ni san-gbalamɛ layigi n yogenu ma ka anu tanyɛnsɛn. I ni ila kalabɛnnu nakɛ anu ma alako anu ni anu buri.

Yaburi 74:15

I ya a ma, yi-nɛnu anubɛ tenkenu tugura a rɔ. I ya bɛnu gbala anu worɔn la todo!

Yaburi 76:6

Ile Yakobata Alla ya anu makilan nya min wo, anuna kirindi-laburilɛnu anubɛ anuna soeenu fagara anu gbɛ wo le tɔ.

Yaburi 77:18

Ila san-sɛrɛn-kan ye bɔla iko mɔgɛ tenbi durɔmu-takolɔn makuru-kurunna. Ila banda-nyin-masɔgɛ ye malanna duninya kuma. Dugi nyɛrɛ ye yɛrɛyɛrɛnna.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Bɔ-Koe-Iyipiti 15:8

I ya fɔnyɔ min nabɔ i karɛ rɔ, wo ya yi kɛ fara fila la ka anu nadɛn anu nyɔgɔn kuma tala iko dandan. Yi-ladɛnnɛ wo gbɛlɛyara gbon, iko dandan!

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Yɛrɛmaya 31:37

Ni hadama-dan si ke san-kole sumanna, ni a si ke dugu-kurukɛ-tinɛ bɛɛ lɔnna, nba, mani ale Mari si a ban wole, ala mɔgɛnu na ka a tɛgɛ wo hakɛ ma. Mari kan le kɛ la.

Yona 2:6

I ya n nayigi kɔgɔ-yi kɔrɔ ha kɛnkɛn dabira tinɛ. Yi kankanta n ma, a tora sɛ, a ni lakira-dɛ latogon n ma. Kɔnɔ ile Mari Alla ya n kɛndɛ labɔ dumɛ wo kuri la ka n nayɛlɛ.

Maika 6:2

Wole kɔnkɛ minnu manɛ duninya-kurun-fannu na, wole min na ti maga, wo ni wo tole masɔ Marita kumɛ la. Kumɛ do ye Mari anubɛ ata mɔgɛnu tɛma. A ye nala wo rakaranna wo ye.

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.

1 Samuwɛli 7:10

Wulɔn-tele kelan, Samuwɛli ye sarakɛ wo bɔla, Filisitinu nara kɛ Isirɛla mɔgɛnu ma. Wati kelan wo rɔ, Mari ya san-gbalamɛ layigi Filisiti wonu ma ka anu kumakɔ. Anu tanyɛnsɛnta.