8 N yɛ bɛnnɛ ale Mari ma burubukai! Fenfen ti n takilan.
bawo a ye bolo-kolɔn kumafunfanna. Minnu bara ban anu faga-koe latɛgɛla, a si anu kisi wonu masibɛ ma.
Mari ye ale mansɛ kɔɛn-nyimɛ wara la. A fonde wa bɔ, a si mansa-siyaman nɔ.
Mari si i makandan. A ye ma fɛ ka ma lakanan.
Ni n si ke i miriya bɛɛ danna nun, a siya kɛnkɛn ko. N ba kinɔgɔ ka kunden, yaga, i ye n dafɛ.
A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!
Mansɛ si a yoge damasi bira gbuturu! Ale mansɛ gbo min bɛɛ ye, a si wonu bira.
Wole, n yogenu, wo si to mɔgɛ kan ma ha tumɛ nyamintan, mɔgɛ minta ma gbɛlɛ ka kɛ yasa-kore rɔ, kɔni?
Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.
Nna kisi-koe anubɛ nna gbiliyɛ bɛɛ tonɛ ile le ma. Nna tankala-gbengben le Alla la. Nna ninɛ le ale la.
Hali wo, n gbɛrɛnnɛ i ma tolon! N bolo biranɛ i bolo.
Hali n miriya anubɛ n fɛrɛ ra ye tola fagala n ma kɔnɔ ile Alla si to sɛnbɛ dila n ma. N sa nyinina fenfen ma ile Alla kɔma habadan!
Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.
