Yaburi 16:11 - ALLALA KUMƐ

¹¹ I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 16:11 ပူးပေါင်းရင်းမြစ်များ

Yaburi 139:24

N gbɛngbɛn, i ni a lɔn ni karagbɛlɛyɛ ye n tɔ. Kila-bɛrɛbɛrɛ yira n na min bi tala Arinyɛni tɔ!

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 4:8

N ba n sa kinɔgɛ rɔ suyi rɔ, n si kinɔgɔ n fanbolo bawo ile Mari le kelen pe ye n matankala.

Yaburi 68:4

Wo ni sigi sa Alla ye ka a tɔgɛ tanto. Wo ni kilɛ laka a ye, ale min siginɛ banda-fin-gbɛ rɔ. A bɛnnɛ, wo ni sewa a yala bawo Mari le ale la.

Hɛnkilimaya-Kumɛnu 12:28

Telenbagayɛ si simaya-kilɛ yira mɔgɛ la, ado kilɛ wo dan sa.

Hɛnkilimaya-Kumɛnu 2:19

bawo ni min tara bɔla a wara, wo kɛndɛ ti sɛgi tun, ado a ti bila nimaya-kilɛ fɛ tun.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

Hɛnkilimaya-Kumɛnu 5:6

Musi wo sa tagamana simayɛta kilɛ fɛ, ado a ma a lɔn ko a tagama-nya ma telen.

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Matiyu 25:33

N si sagɛnu nadɛn n bolo-nyimɛ rɔ ka baanu nadɛn n bolo-maran rɔ.

Matiyu 25:46

“Nba, wonu si ta habadan-tɔrɔyɛ rɔ kɔnɔ telenbagɛnu si ta habadan-nimayɛ rɔ.”

Matiyu 5:8

Mɔgɔ-sewanɛ le wo mɔgɛ la min sɔndɔmɛ gbɛnɛ bawo a si to Alla fɛ!

Matiyu 7:14

Kilɛ min bi tala nimaya tinɛ, wo tagama-koe gbɛlɛ. A dɛ ma kolo, ado mɔgɔ siyaman sa a yenna.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Kɛwɔlɛnu 2:28

I wara habadan-niyi-kilɛnu yira n na, ado i si n nafa sewɛ la i yakɔrɔ.’

Kɛwɔlɛnu 7:56

A ko, “Wo yɛ lata. N bara Arinyɛnɛ dɛ lakanɛ yen. Hadama-den, Yisa, sɔnɛ Alla kɔɛn-nyimɛ rɔ!”

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!