Yaburi 16:10 - ALLALA KUMƐ

¹⁰ bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Yaburi 16:10 ပူးပေါင်းရင်းမြစ်များ

Yobu 11:8

Alla wara-koe kolo san-kole ko kɔnɔ ile don? Alla ya lakira wara-koe lɔn kɔnɔ ile don?

Yaburi 139:8

N ba yɛlɛ san-kole ma, i ye nyɔ. Hali n bi kanbɛ le tɔ, i ye nyɔ.

Yaburi 49:15

Kɔnɔ Alla le si n nakanan saya-masibɛ ma.

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Hɛnkilimaya-Kumɛnu 15:11

Hali sayɛ min dogonnɛ, ni Mari ye wo yenna, kumanato a ti ke male mɔgɔni-gbuyi-miriya lɔnna.

Hɛnkilimaya-Kumɛnu 27:20

Ni kanbɛ si wasa, mani hadama-dan si wasa.

Aiseya 14:9

“Lakira ara fɔlɔla a bole sala Babilɔn mansɛ kɛ bolo tɔ. Mɔgɛ minnu sɛnbɛ kolo duninya rɔ nun, wonu yiyɛ ye ale mansɛ labɛnna. A mansɛnu yiyɛ si sɔ anuna mansaya-waganɛ rɔ.

Aiseya 5:14

Anu sɔgɛ ye lakira la kaka! A ye a dɛ sala-a-ma fagba, alako a ni anu nakunu. A ye Yerusalɛm mɔgɔ-banu makununa anubɛ a mɔgɛ toe sɔnkɔtoenu.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Saraka-Masɔlɛnuta Tɔnnu 19:28

Anu bi anu fɛrɛ masɛbɛla ka anu fɛrɛ matɛgɛtɛgɛ di-kɛ-tinɛ. Nde, wota Mari Alla ya kɛ le fɔ wo ye.

Emɔsi 9:2

A ko hali minnu ba denkɛ sin fɔɔ lakira, a si wo bira nyɔ. Hali minnu yɛlɛta san ma pon, a si wo layigi dugi ma.

Yilan-Yilan Koe 6:6

“A kun-sigi-latonɛ wo si a yira ko mɔgɛ wo dantɛgɛnɛ Mari ma. A kana a gbɛrɛn furi ma, a mara a fa la wo, a na la wo, a kɔrɔ la wo, hali a dɔgɛ kamasɔrɔn a ye wo lanyiri kɔrɔ. A dantɛgɛnɛ Mari ma ata wati bɛɛ rɔ.

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Luka 16:23

Ale nɔnfulu-tigi ye tɔrɔyɛ rɔ lakira. A ya a yɛ layɛlɛ ka Iburayima yen wulɛ la, ado Lasarasi ye ale Iburayima tɔgɔfɛ.

Luka 4:34

“E! Ile Yisa Nasarɛti kɛ, i ye nfen fɛ ma bolo? I nara yan ma halaki-koe la, wa? N ya ile lɔn. Allata kilaya-sɛnimɛ le ile la!”

1 Kɔrɛnti 15:42

Alla wa furinu nawuli tumɛ min, wonu fanan si ma wo nya na le. Fɛrɛ-bɔnku-tulutɛ si togon. Alla wa a lawuli tumɛ min, wo tigi si habadan fɛrɛ-bɔnkɛ sɔrɔn min ti tuli dɛɛ!

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.