Yaburi 150:3 - ALLALA KUMƐ

³ Wo ni burinu bi a tanto tinɛ. Wo ni sɔrɔn anubɛ bɔlɔnnu bi a tanto tinɛ.

Yaburi 150:3 ပူးပေါင်းရင်းမြစ်များ

2 Samuwɛli 6:15

Woletɔ Mansa Dawuda anubɛ Isirɛla mɔgɛ bɛɛ ye tala tɔn-kenkirɛ wo la Yerusalɛm soe burɔ tumɛ min, mɔgɛ bɛɛ sewanɛ. Anu bi gbele-gbelenna ka buri fɛ dɔgɔma-ma-de!

2 Samuwɛli 6:5

Mansa Dawuda anubɛ ala kɛlɛ-dannu bi tala anu dɔnna kirindi wo kɔma. Anu bi sigi sala anu sɛnbɛ bɛɛ la. Anu bi sɔrɔnnu anubɛ bɔlɔnnu anubɛ yonbenu anubɛ wasanbɛnu anubɛ dundɔnnu fɔla ka Mari gbiliya.

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 25:1

Mansa Dawuda anubɛ Lifayi mɔgɔ-banu ya Lifayi bɔnsɔn-mɔgɛ donu yabɔ ka bɔ Esafi wo, Himan wo, anubɛ Yɛdutun kebilɛnu tɔ. Anu tenbi wɔlɔyiya-kumɛnu fɔla batoli-kɛ-tinɛ, wonu si siginu sa ka sɔrɔn anubɛ karanyanu fɔ. Sigi-salɛnu tɔgɛ le kɛnu na anubɛ anuna wɔli kɛ nya.

2 Ko-Kɔrɔta-Karan 20:28

Anu ke Yerusalɛm soe burɔ, anu dama tara Bato-Bɔn kata burɔ, fɔli-fannu kɛnɛ a rɔ anu bolo, a sɔrɔn wo, a serema wo, a buru wo.

Yaburi 108:2

N si kunden ka nna sɔrɔn anubɛ nna bɔlɔn fɔ. N si kunden subagɛ ma tantoli-bɛti-bɔɛ la n bolo.

Yaburi 149:3

Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

Yaburi 33:2

Wo ni sɔrɔn fɔ ka baraka bira Mari ye. Wo ni fɔli-fannu kɛ-a-rɔ ka a matɔgɔ-bɛti bɔ.

Yaburi 92:3

Mari, n si to i matɔgɔla bɔlɔn la ka sɔrɔn-diyamɛnu fɔ i ye.

Daniyɛli 3:5

A sa mɛla tun, wo si buru-kan lamɔɛn. Wo kɔma, tolonnɛnu si a kɛ-a-rɔ. A fulu-fɛla wo, a bɔlon-fɔla wo, a sɔrɔn-fɔla wo, a bala-fɔla wo, anubɛ a fɔli-fen-toenu, wonu damasi si a kɛ-a-rɔ. Tolonnɛ kɛ bɛɛsi wa a kɛ-a-rɔ tumɛ min, wo damasi si wo madu mansɛta bɛsɛ kɛ kɔrɔ ka a matɔgɔ.

Yilan-Yilan Koe 10:10

“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”