Yaburi 149:6 - ALLALA KUMƐ

⁶ Anu ni Alla tanto anu kulu-mayɛlɛnɛ la. Faan-da-diyamɛnu ni taran anu bolo tɔ,

Yaburi 149:6 ပူးပေါင်းရင်းမြစ်များ

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yaburi 115:7

Bole ye anu bolo kɔnɔ anu ti tugu fen na. Kian ye anu bolo kɔnɔ anu ti ke tagamana. Anu kan-woe lafaganɛ tɛnɛnɛ!

Yaburi 66:17

N dira a dala n dɛnbɛn-koe la. Wo kɔma, n ya a matɔgɔ bɛtinu na.

Yaburi 96:4

Mari makawara. A bɛnta mɔgɛ ni ale le bato. Mɔgɛ ni kilan a la ka tenbi bɛsɛnu na.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Hɔbadaya 1:21

Mɔgɛ kɛnu ba ban soe kɛnu bila anu bolo, anu si ta Idɔm nyamanɛ fanan bi ka a mara. Ale Mari nyɛrɛ si ma mansɛ la ata mɔgɛnu kuma nyɔ.

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!