Yaburi 149:3 - ALLALA KUMƐ

³ Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

Yaburi 149:3 ပူးပေါင်းရင်းမြစ်များ

2 Samuwɛli 6:14

Kila-birɛ anu bolo tun, Mansa Dawuda ya a dɔn a sɛbɛ-kuna-wɛ la ka Mari gbiliya. A ya a gbu makolonya fɔ linɛn-kura-hakikɛ do, a ya wo le ma kufama la.

2 Samuwɛli 6:16

Anu bi anu kun nabɔla soe ma tumɛ min tɔn-kenkirɛ wo la anu bolo, Sɔlila dunmusi Mikali min tora Mansa Dawuda ye, wo ya a yɛ labɔ wundan la. A ya Mansa Dawuda yen nala a dɔnna anubɛ a ye gbangbanna a sɛbɛ-kuna-wɛ la Mari yakɔrɔ, a bɔrɔbɔra a ye.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 25:6

Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

2 Ko-Kɔrɔta-Karan 20:28

Anu ke Yerusalɛm soe burɔ, anu dama tara Bato-Bɔn kata burɔ, fɔli-fannu kɛnɛ a rɔ anu bolo, a sɔrɔn wo, a serema wo, a buru wo.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

Ɛsira 3:10

Wɔli-kɛlɛnu ya Bato-Bɔn kurukɛ wati min, saraka-masɔlɛnu ya anu sɔ anu sɔ tinɛnu tɔ. Anuna burinu bi anu bolo. Anu mabɛnnɛ anuna saraka-masɔ-durukinu tɔ. Esafi kebilɛ Lifayi minnu bi nyɔ, wonu sɔnɛ anuna karanyanu na anu bolo. Anu ya Mari tanto iko Mansa Dawuda ya anu nabila nya min fɔlɔn.

Yaburi 30:11

I wara nna diyi yɛlɛma n ye sewɛ la. I wara di-kɛ-bɔrɛ bɔ n kan na ka sewa-bɔrɛ don n kan na wo gbɛ rɔ.

Yaburi 33:2

Wo ni sɔrɔn fɔ ka baraka bira Mari ye. Wo ni fɔli-fannu kɛ-a-rɔ ka a matɔgɔ-bɛti bɔ.

Yaburi 81:2

Wo ni fɔli-kɛ dabira ka wasanbɛnu kɛ-a-rɔ. Wo ni sigi-diyamɛnu fɔ bɔlɔn anubɛ seremanu tɔ.

Yaburi 81:3

Buru-fɛ ni a yira ko karɛ-kura-ladiya-wati ara ke. Karɛ wa kɔgɔ, ma si ladiyɛ kɛ tun.

Yaburi 87:7

Anu si anu dɔn ka sigi sa ko, “Mala duwa-kuru-bi tinɛ le Yerusalɛm na.”

Bɔ-Koe-Iyipiti 15:20

Woletɔ Aruna kɔrɔ musi Miriyam, nɛbi-musi, kɔni, wo ya ata wasanbɛnu bi anubɛ Isirɛla musinu ka dɔn kɛ buta a ma.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Kɛlɛ-Kurugbɛnu 11:34

Yɛfɛta sɛgimatoe a warɛ bɔn la Misipa, a ya ala den-sunkurɔn yen bɔla dɔn kɛla a bolo bɔn la ka ta a labɛn tinɛ. A ye tanban fɔla, ado den-sunkurun kelen pe wo le a bolo.