Yaburi 149:2 - ALLALA KUMƐ

² Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

Yaburi 149:2 ပူးပေါင်းရင်းမြစ်များ

Yobu 35:10

Alla min ya anu dan, anu ti anu ya-lamunun wo la, ado ale le si ke anu yili-madiyala tɔrɔya-wati rɔ.

Yaburi 47:6

Wo ni tantoli-bɛti bɔ Alla ye. Wo ni ale mata Mansɛ matɔgɔ.

Yaburi 95:6

Wo na, ma ni ma madu ka a bato. Ma ni ma nyɛnkin ma Dali-Mari ye.

Aiseya 43:15

A ko mata Mari Alla-sɛnimɛ le ale la. A ko ale le ya male Isirɛla mɔgɛnu dan ka ma mala mansɛ la.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Sɛfanaya 3:14

E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Sɛfanaya 3:15

Mari ara wota tɔrɔyɛ ban. Wo yogo-wo-yogo sa tun. Mari, Isirɛla mansɛ, ye wo fɛ. Wo kilan-kunya fenfen sa.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 21:5

“A fɔ Mansa Dawudala so-burɔ-mɔgɛnu ye ko ala mansɛ ye nala a wara. A famayiginɛ. A siginɛ sofɛlɛ la. A siginɛ sofɛli-bulan la.”

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Luka 19:38

Anu ko, “Allala duwɛ ni to mansɛ wo fɛ min bi nala Mari tɔgɛ rɔ! Yisi-kimɛ ni taran Arinyɛni tɔ. Gbiliyɛ ni di Alla ma san-kole bɛɛ kuma pon!”

Yɔni 19:15

Anu ya a lasɔnkɔ tun ko, “A faga! A gbangban ka a faga kɔlɔma ma!” Pailɛti ya anu manyinika ko, “Wo ye a fɛ, n ni wola mansɛ gbangban kɔlɔma ma, wa?” Saraka-masɔla-wɛnu ya a yabi ko, “Mansa-gbɛrɛ sa ma bolo fɔ min bi Romu nyamanɛ kun na!”

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.