Yaburi 149:1 - ALLALA KUMƐ

¹ Bɛɛ ni Mari tanto. Wo ni bɛti-kurɛ bɔ Mari ye. Ala lanaya-mɔgɛnu na ni dɛn ka a tanto.

Yaburi 149:1 ပူးပေါင်းရင်းမြစ်များ

Yaburi 111:1

N si Mari tanto! N tenbi Allala mɔgɛnu tɛma, n si baraka bira Mari ye n yisi bɛɛ la.

Yaburi 116:18

N bara i yili-madiya min na, n si na wo la ila Bato-Bɔn la Yerusalɛm soe burɔ ka a di i ma mɔgɛ bɛɛ yala nyɔ. N si Mari tanto!

Yaburi 144:9

E, Alla, n si bɛti-kurɛ bɔ i ye. N si bɔlɔn fɔ ka sigi sa i ye.

Yaburi 148:1

Bɛɛ ni Mari tanto. Arinyɛnitɔ-nima-fan bɛɛ ni Mari tanto.

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Yaburi 22:25

Ka a tɛgɛ ila ko-nyimɛ ma, n si i tanto mɔgɛ bɛɛ yakɔrɔ Bato-Bɔn la. N bara lanyiri kiri sarakɛ minnu bara-koe la, n si wonu bɔ i ye bɛɛ yala.

Yaburi 33:3

Wo ni bɛti-kurɛnu bɔ a ye. Wo ni mɔlɔnɛ tɛgɛ sɔrɔn fɔ tinɛ. Wo ni a lawɔyɔ sewɛ bolo.

Yaburi 35:18

I wa ban wo mala n ye tumɛ min, n si baraka bira i ye mɔgɛ bɛɛ yala. N si i tanto anu yakɔrɔ.

Yaburi 68:26

Anu bi a fɔla ko, “Wole ata mɔgɛ minnu bi ladɛn rɔ, wo ni tabarakala bira Alla ma. Wole Yakoba kegeyɛnu ni Mari tanto.”

Yaburi 89:5

E, Mari, hali fan min bɛɛ ye san-kole rɔ, anu si sigi sa ka a tɛgɛ ita kabana-koenu ma. Ita mɔgɔ-sɛnimɛnu si ila lanaya-sigi sa.

Yaburi 96:1

Wo ni bɛti-kurɛ bɔ Mari ye. Duninya mumɛ bɛɛ ni bɛti bɔ Mari ye.

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Hiburunu 2:12

A ya a fɔ Alla ye ko, “E, Alla, nna mɔgɛnu ba anu nadɛn i bato tinɛ tumɛ min, n si ila koe fɔ anu ye ka i tanto-bɛtinu bɔ.”

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.