Yaburi 148:14 - ALLALA KUMƐ

¹⁴ A ara ata mɔgɛnu tagbɛlɛya gbon! Woletɔ anu bi a tantola, ado ala Isirɛla mɔgɛnu di a ye kati! Bɛɛ ni Mari tanto!

Yaburi 148:14 ပူးပေါင်းရင်းမြစ်များ

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 145:10

Mari, ila fen-nadannɛ bɛɛ si i matɔgɔ. Ila mɔgɛ bɛɛ si baraka bira i ye.

Yaburi 149:9

Anu ni sibolenu tɔrɔ iko Alla ara a latɛgɛ nya min. Allata mɔgɛnuta nɔlɛ le kɛnu na. Bɛɛ ni Mari tanto.

Yaburi 75:10

A si mɔgɔ-yogomɛnuta sɛnbɛ rakerikeri kɔnɔ mɔgɔ-telennɛnuta sɛnbɛ si to koloyala.

Yaburi 89:17

I wara nɔ-ko-sɔrɔn-sɛnbɛ di ma ma. Ita keninteyɛ le ya a ma, ma ara nɔ-ko sɔrɔn.

Yaburi 89:18

E, Mari, ile le ya mansɛ yabɔ ma ye. Ile Isirɛlata Alla-sɛnimɛ le ya mala mansɛ di ma ma.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Luka 1:52

Alla ara mansa-sɛnbɛmɛnu nayigi ka bɔ anuna sigi tinɛnu tɔ. Minnu famayiginɛ, a ya wonu nayɛlɛ.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Ɛfɛsa 2:13

Ka a tɛgɛ Yisa Kirasiti ma, wole minnu fɛ-yan Alla la nun, wo gbɛrɛnnɛ Alla ma kaka. Kirasiti Yisa yele mara wola sarakɛ la.

Ɛfɛsa 2:17

Woletɔ Kirasiti ara kibara-nyimɛ-kawandili bɔ mɔgɛ bɛɛ ye. I mara sibolo-gbɛrɛ la min fɛ-yan Alla la nun wo, i mara Isirɛla mɔgɛ la min fɛ-ma-yan a la nun wo, kibara-nyimɛ ye ma filɛ bɛɛ ye.

Ɛfɛsa 2:19

Woletɔ wole sibolo-gbɛrɛnu, mɔgɔ-gbɛrɛ ma wo la tun, ado sundan ma wo la tun. Wo ara ma duguran la kaka Allata mɔgɛnu tɛma. Wo ye Allata denbayɛ rɔ gbɛ!

Tɔn-Fɔɛ-Fila-Nyɔgɛ 10:21

Wo ni a tanto bawo ale le wota Mari Alla la. A ya kabana-ko-wɛ minnu kɛ wo ye, wo ara wonu yen wo nyɛrɛ yɛ la.

Tɔn-Fɔɛ-Fila-Nyɔgɛ 4:7

Musa ya a fɔ kɛ kɔma tun ko, “Hali sibolo-gbɛrɛkɛ-mɔgɛnu siya ka tenbi ma la, anuta bɛsɛnu sa anu dɛnbɛna iko mata Mari Alla ye ma fɛ nya min ka ma dɛnbɛ ni ma ya a tɔgɛ rakele wati min.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Samuwɛli 2:1

Hana ya Mari bato. A ko, “Mari ara n yisi lafa sewɛ la. N sewanɛ bawo Mari ara min ma n ye. N si yɛlɛn de n yogenu ma gbɛ! N nyagalennɛ bawo Alla ara n dɛnbɛ.