Yaburi 148:13 - ALLALA KUMƐ

¹³ Wonu damasi ni Mari tanto. A tɔgɛ kolo tɔgɛ bɛɛ ko. Ala gbiliyɛ kolo fan bɛɛ ko minnu bi san-kole anubɛ dugu-kole ma.

Yaburi 148:13 ပူးပေါင်းရင်းမြစ်များ

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

Yaburi 108:4

Ila keninteya-dannatɛgɛbɛlɛ anubɛ lanayɛ kolo iko san-kole anubɛ dugu-kole tɛmɛ ye nya min.

Yaburi 113:4

Sibole-bɛɛ-maralɛ le Mari la, ado ata gbiliyɛ ye san-kole bɛɛ kuma pon!

Yaburi 150:6

Min bɛɛ ye a niyi lafɛla, ma ni Mari tanto wona. Bɛɛ ni Mari tanto.

Yaburi 57:6

N yogenu ya gbɛrɛ min nasigi n ye wo ya n yigi tɛgɛ son! Anu ya denkɛ sin nta kilɛ la kɔnɔ anu denu-denu buira denkɛ wo rɔ.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 8:1

E, Mari, mata Mari, kɔni, i tɔgɛ-mankan ye duninya bɛɛ rɔ. Ita gbiliyɛ ara bɔ gbɛ rɔ ma ye san-kole ma.

Yaburi 8:2

Hali dennɛnu, wonu bi i matɔgɔ-siginu sala. Ile ye kan min, i yogenu ti ke i yakɔrɔ-mamɔla nyɔ. Min ba a ma ko a ye a sɔla i la, i si wo kasara.

Yaburi 8:9

E, Mari, mata Mari, kɔni, i tɔgɛ-mankan ye duninya bɛɛ rɔ.

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Keninteya-Siginu 5:9

Ile min kin ma dama ko, ila kei tenbira kei bɛɛ la, wa? Ila kei tenbira kei doinu na kama min bi a tola, ma ye lanyiri kɛ kirila i ye?

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 33:5

Mari makawara! A ye mansayɛ la fan bɛɛ kun na. A ya Yerusalɛm lafa telenbagayɛ anubɛ ko-nyimɛ la.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Ɛfɛsa 4:10

Woletɔ Yisa kelan min yigira, Yisa kelan wo le yɛlɛta san-kole rɔ pon alako a ni taran duninya kan tinɛ bɛɛ rɔ.

Filipai 3:8

Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.