Yaburi 147:6 - ALLALA KUMƐ

⁶ A ye mɔgɔ-famayiginɛnu sɔla yiri! Kɔnɔ a si karagbɛlɛnu fɛrɛn dugi la ka anu bunden korr!

Yaburi 147:6 ပူးပေါင်းရင်းမြစ်များ

Yaburi 145:14

A ye mɔgɔ-tɔrɔnɛnu dɛnbɛna. A ye mɔgɔ-buinɛnu nawulila.

Yaburi 149:4

Mari sewanɛ ala mɔgɛnu na. A ye mɔgɔ-famayiginɛnu gbiliyala nɔlɛ la.

Yaburi 25:9

Mari ye kila-nyimɛ yirala mɔgɔ-famayiginɛnu na. A si anu karan alako anu ni a sako lɔn.

Yaburi 37:11

Nyamanɛ wo si ma mɔgɔ-famayiginɛnu halalɛ la. Anu si taran anu diya yisi-kimɛ rɔ.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

Matiyu 5:5

Mɔgɔ-sewanɛ le wo mɔgɛ la min famayiginɛ Alla ye bawo Alla si duninya bɛɛ ma atɛ la!

Yemesi 4:10

Wo ni wo famayigi Alla ye. Ni min ya wo ma, a si wo mɔgɛ layɛlɛ.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

1 Pita 5:6

Nba, wo ni wo famayigi Alla-sɛnbɛmɛ-kɔɛn kɔrɔ, woletɔ a si wo layɛlɛ a wati-latɛgɛnɛ rɔ.

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.