Yaburi 147:20 - ALLALA KUMƐ

²⁰ A ma wonu fenfen di sibolo-gbɛrɛnu ma. Wonu ma ala sereya do-wo-do lɔn. Ma ni Mari tanto!

Yaburi 147:20 ပူးပေါင်းရင်းမြစ်များ

Hɛnkilimaya-Kumɛnu 29:18

Marita wɔlɔyiya-kumɛ sa minnu bolo, mɔgɛ wonu si murutiya. Kɔnɔ minnu bi Allala tɔn birala, wonu si duwɛ sɔrɔn.

Kɛwɔlɛnu 14:16

Fɔlɔ-nun, Alla sɔnta ko mɔgɛ bɛɛ ni to anu nyɛrɛta kilɛ fɛ.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Kɛwɔlɛnu 26:27

Pɔli ya a fɔ Mansa Agaripa ye ko, “Mansɛ, i lanɛ nɛbinuna kumɛnu na, nyɛ? N ya a lɔn ko i lanɛ wonu na!”

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Ɛfɛsa 5:8

Wole nyɛrɛ ye pinpi le tɔ fɔlɔ-nun kɔnɔ kebi wo mara Maritɛ la, wo ye wan-takanɛ le tɔ gbɛ! Wo ni tagama iko mɔgɛ minnu bi wan-takanɛ wo rɔ.