Yaburi 147:10 - ALLALA KUMƐ

¹⁰ Ale Mari kolan ti bɔ soeenu na minnu tagbɛlɛ. A mako sa kɛlɛ-kurugbɛnu na.

Yaburi 147:10 ပူးပေါင်းရင်းမြစ်များ

2 Samuwɛli 1:23

“Mansa Sɔli anubɛ Yonatan, anu di mɔgɛnu ye. Anu sɔn bɛɛ kelen, ado anu niyi bɔra anu nyɔgɔn fɛ le. Anu natiri kokɛ ko, ado anu tagbɛlɛ yarɛ ko.

Yobu 39:11

Ile si ke i yigi sala sigi wo sɛnbɛ-wɛ kuma alako a ni ila wɔli-gbɛlɛmɛnu kɛ i ye?

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Hɛnkilimaya-Kumɛnu 21:31

Mɔgɔ si soeenu tabɛn kɛlɛ-kɛ-koe la kɔnɔ min bi kɛlɛ nɔla, Mari le ye wo latɛgɛla.

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”