Yaburi 145:11 - ALLALA KUMƐ

¹¹ Anu si ila mansaya-mankan gbiliya. Anu si to ila sɛnbɛ wara-koe rakaranna

Yaburi 145:11 ပူးပေါင်းရင်းမြစ်များ

Yaburi 96:10

Wo ni a fɔ sibole doinu ye ko, “Mari le mansɛ la.” Ale le ya dugu-kole kɛ sigi ka a banban, ado a la ti maga. A si mɔgɛnu kiti telenbagayɛ la.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’