Yaburi 145:10 - ALLALA KUMƐ

¹⁰ Mari, ila fen-nadannɛ bɛɛ si i matɔgɔ. Ila mɔgɛ bɛɛ si baraka bira i ye.

Yaburi 145:10 ပူးပေါင်းရင်းမြစ်များ

Yaburi 103:22

Ala dali-fan bɛɛ ni Mari tanto! Wo ye kan-bo-kan, a ye wo kun na nyɔ. N ni Mari tanto n sɔndɔmɛ bɛɛ la!

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 149:5

A batolɛnu ni sewa ala gbiliyɛ wo la. Anu ni ki bɛtinu bɔla sewɛ la.

Yaburi 19:1

San-kole fɔlɔfɔlɔn si Allata kabana-koe yira ma la. Alla ara min ma, wo ye wo le yirala ma la.

Yaburi 22:23

N si to a fɔla anu ye ko, “Wole Marita wɔli-kɛlɛnu, wo ni to a tantola. Wole Yakoba kegeyɛnu, wo ni Mari gbiliya.

Yaburi 30:4

Wole Allata mɔgɛnu, wo ni bɛti bɔ ka a matɔgɔ. Wo ni wo miri ata kabana-koenu ma ale Mari-sɛnimɛ ara minnu ma ka baraka bira a ye wonuna ko la.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 32:11

Ile min telennɛ, i ni sewa ka a tɛgɛ Mari ara min kɛ i ye. Ile min bi ala kumɛ tola a gbɛ rɔ, i ni i kuli mayɛlɛ nyagalan bolo.

Yaburi 57:9

E, n tigi, n si baraka bira i ye sibole bɛɛ yala. N si i tanto-bɛtinu bɔ mɔgɛ bɛɛ ya la.

Yaburi 68:26

Anu bi a fɔla ko, “Wole ata mɔgɛ minnu bi ladɛn rɔ, wo ni tabarakala bira Alla ma. Wole Yakoba kegeyɛnu ni Mari tanto.”

Yaburi 69:35

A si Yerusalɛm lakisi ka so-nɛnu sɔ-kura-kɛ tun Yuda nyamanɛ rɔ. Ata mɔgɛnu si sigi nyɔnu tɔ ka nyamanɛ wo bi.

Yaburi 97:12

Wole minnu natelennɛ, wo ni nyagalen ka a tɛgɛ Mari ara minnu ma wo ye. Wo ni wo miri Alla-sɛnimɛ ara minnu ma ka baraka bira a ye.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ