Yaburi 144:2 - ALLALA KUMƐ

² N keninte le ale la min si n kumafunfan. N kandannɛ anubɛ nna kisilɛ le ale la. Nna nɛgɛ-lufɛ le ale la min si n kandan kɛlɛ rɔ. A ye sibolo-gbɛrɛnu nɔla n ye ka n ma mansɛ la wonu kuma.

Yaburi 144:2 ပူးပေါင်းရင်းမြစ်များ

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 18:47

Ale le ye a mala, n bi n yogenu nɔla ka sibolo-gbɛrɛnu don nna sɛnbɛ kɔrɔ.

Yaburi 59:9

N lara ileta sɛnbɛ la dɔgɔma-ma-de! E, Alla, n natankalɛ le ile la.

Yaburi 84:9

E, Alla, ita duwɛ layigi mala mansɛ kuma min si ma lakanan. Duwɛ layigi ale mansɛ kuma, ile nyɛrɛ ya min yabɔ.

Yaburi 91:2

mɔgɛ wo si ke a fɔla Mari ye le ko, “N kumafunfannɛ anubɛ n natankalɛ le ile la. Nta Alla le ile la, n lanɛ min na, kɔni.”

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.