Yaburi 144:15 - ALLALA KUMƐ

¹⁵ Mɔgɔ-sewanɛ le wo mɔgɛ la, min bi duwa-sufa kɛ sɔrɔnna. Mɔgɔ-sewanɛ le wo mɔgɛ la minna Alla bɛnnɛ Mari ma.

Yaburi 144:15 ပူးပေါင်းရင်းမြစ်များ

2 Ko-Kɔrɔta-Karan 31:8

Mansa Hɛsakaya anubɛ ala mɔgɔ-banu ya a yen min kɛ ko nyamanita-mɔgɛnu bara na kɛ nyɔgɔn sufa la, anu ya Mari tanto ka Marita mɔgɛnu matɔgɔ fanan.

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Yaburi 33:12

Marita sibolo-yabɔnɛ si to a diya. Alla ara anu denu minnu yabɔ, anu sewanɛ si to.

Yaburi 65:4

Ile Alla ye mɔgɛ min yabɔla ko a ni a sigi ila Bato-Bɔn la, mɔgɔ-sewanɛ le mɔgɛ wo la. Ko-nyimɛ minnu bi i Bato-Bon-sɛnimɛ la, wonu denu si ma hɛnɛ.

Yaburi 89:15

Minnu bi i bato-bɛti bɔla, wonu sewanɛ kati! Anu bi ila nyimayɛ le kɔrɔ tolon!

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”