Yaburi 143:9 - ALLALA KUMƐ

⁹ Mari, n si ta ile le wara n natanka-koe rɔ. I ni n kunyɛ bɔ gbaran rɔ n yogenu bolo.

Yaburi 143:9 ပူးပေါင်းရင်းမြစ်များ

Yaburi 142:5

N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 142:7

N kunka nna tɔrɔyɛ kɛ rɔ min bara ma mana la n ma. Ni i ya wo kɛ n ye, n si i matɔgɔ mɔgɛ bɛɛ yala ka a tɛgɛ ita nyimayɛla ko la.

Yaburi 31:15

N bi ita gbɔfɛ rɔ wati mumɛ bɛɛ kɔrɔ. N nakisi n yogenu ma. Minnu bi n napɛrɛnna, n nakisi wonu ma.

Yaburi 56:9

N ya a lɔn serr, ni n ya i rakele i si a ma, n yogenu ni anu masɛgi n na fass! N hɛnkili latɛgɛnɛ ko ile Alla ye n fɛ.

Yaburi 57:2

Alla Min Bi Fan Bɛɛ Kun Na, n ba wo rakele, ado a ye n makoe bɛɛ nyinyala,

Yaburi 59:1

E, nta Alla, n tanka n yogenu masibɛ ma. N tanka n yogenu ma minnu bi tugula n kan ma.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!